Mattá 6:4 - Hodáay Pákén Ketáb Balochi zobáná

⁴ tánke tai dátagén hayrát sarpósh o chérandari bebit. Gorhá tai ásmáni Pet, ke chérénána gendit, tai mozzá dant.

Mattá 6:4 ပူးပေါင်းရင်းမြစ်များ

Zabur 139:12

tahári ham pa taw tahára nabit, shap, chó róchá drapshit, ke tahári ham pa taw chó rozhnáiá ent.

Zabur 17:3

Taw mani del ázmáesh kortag o shappásán mani cháragá átkagay, maná chakkásetaget o hech dar nagétkag, ahdon kortag ke dap gonáh makant.

Zabur 44:21

Hodáyá nazántagat? Chiá ke á cha delay ráz o asrárán sarpad ent.

Mattá 10:42

Agan kasé cha é kasánokén moridán yakkéá paméshká tásé ápa dant ke mani morid ent, allam bezánét ke áiá wati mozza rasit.”

Mattá 6:18

tánke mardom mazánant taw róchag ay, tahná tai ásmáni Pet ke chér o andém ent, hamá bezánt. Á wahdi tai ásmáni Pet ke chérandaria gendit tai mozzá dant.

Mattá 6:3

Wahdé hayráté cha rástén dastá dayay, chappén dast sahig mabit,

Mattá 6:6

Bale harwahd dwá kanay, wati lógá beraw, lógay dapá beband o cha wati ásmáni Petá, ke cha chammán chér o andém ent, dwá belóth, gorhá tai Pet, ke chérénána gendit, tai mozzá dant.

Luká 14:14

Gorhá bahtáwara bay, chéá ke áyáni kerrá chizzé nést tará badalá bedayant o taw wati mozzá pahrézkáráni padá zendag bayagay wahdá geray.”

Luká 8:17

Chéá ke hecch choshén chérén chizzé nést ke záher o paddar mabit o hecch choshén panáh o andémén habaré nést ke áshkár o démdará mabit.

Yahudáay Kágad 1:24

Hamá ke shomárá cha thagal warag o kapagá mohr dáshta kant o béayb o gón mazanén shádmánié shomárá wati porshawkatén dargáhá bort o sar korta kant,

Elhám 2:23

Man áiay chokkán wabáé dayán o koshán, gorhá sajjahén kelisá zánant ke man hamá án ke del o hayáláni hálán dara géjit o man shomá harkasá áiay káráni hesábá mozza dayán.