Mattá 6:25 - Hodáay Pákén Ketáb Balochi zobáná

²⁵ Paméshká shomárá gwashán ke pa wati zendá paréshán o deltaparkah mabét ke ‘ché bwarén o ché benóshén?’, na pa wati jesm o jáná ke ‘ché bepóshén?’. Zend cha waráká o jesm o ján cha pósháká géshtera nakarzit?

Mattá 6:25 ပူးပေါင်းရင်းမြစ်များ

Zabur 55:22

Wati paréshánián pa Hodáyá bell, ke á tai dárók ent, á hechbar pahrézkárán kapagá naylit.

Mattá 10:19

Á wahdán ke shomá ódá baraga bét, delá paréshán mabét ke ‘ché begwashén’ yá ‘chón passaw bedayén,’ chéá ke harché ódá shomárá gwashagia bit, hamá wahdá shomárá rasit.

Mattá 13:22

Á tohm ke shezz o dhangaráni tahá retkant, hamá mardomay mesál ent ke Hodáay habará gósha dárit, bale donyái parésháni o mál o zarray hers o jópah, áiá rada dayant o naylant Hodáay habar sabz betarrit o bar o barward bedant.

Mattá 6:31

Paméshká paréshán o deltaparkah mabét o magwashét ke ‘bárén ché bwarén o ché benóshén?’ yá ‘ché bepóshén?’.

Mattá 6:34

Pa bándátigén róchá paréshán o pegrig mabét, chéá ke bándát, wati pegrá wata kant. Maróchigén janjál, pa maróchigá bass ant.

Markás 13:11

Harwahd ke shomárá gerant o hakdiwánána barant, cha péshá paréshán mabét ke ‘má ché begwashén.’ Á wahdá, har chizzé ke shomárá sój dayaga bit, hamáiá begwashét. Chéá ke gwashók shomá naét, Hodáay Pákén Ruh ent.

Markás 4:19

bale donyái parésháni o mál o zarray hers o jópah o á dega chizzáni lóth o wáhag áyán rada dayant o naylant Hodáay habar sabz betarrit o bar o barward bedant.

Luká 12:11

Mardom shomárá gerant o kanisahána barant o hákem o hokumatáni démá pésha kanant. Á wahdá, pa wati démpániá paréshán mabét ke ché begwashét,

Luká 8:14

Shezz o dhangaráni tahá retkagén tohmáni máná, hamá mardom ant ke Hodáay habarán gósha dárant, bale donyái parésháni o mál o zarray hers o jópah o aysh o nóshán mána gisshant o hóshag o bara nayárant.

Pulosay kágad pa Rumián 8:32

Á ke wati Chokkay parwáhi nakort o pa maygi cha áiá sar gwast, gón áiá hawár, á dega sajjahén chizzán ham márá nadant?

Pa Pilipián Pulosay kágad 4:6

Pa hecch chizzá paréshán mabét, bass har hálat o jáwará, gón dwá o dazbandi o shogrgozáriá wati arzá pa Hodáyá sar kanét.

Pa Timutáusá Pulosay domi kágad 2:4

Hamá sepáhig ke jangá rawt watá gón é dega kárán dazgattha nakant. Á lóthit ke mani apsar cha man razá bebit.

Petrosay Awal Kágad 5:7

Wati sajjahén gam o paréshánián hamáiay sará yalah kanét, parchá ke áiá shomay hayál gwar ent.