Mattá 6:19 - Hodáay Pákén Ketáb Balochi zobáná

¹⁹ É jaháná pa wat mál o maddhi mocch makanét, ke edá warók o ramézesha wárt o zanga gerant o dozzesha polant o barant.

Mattá 6:19 ပူးပေါင်းရင်းမြစ်များ

Zabur 39:6

Béshakk ensán chó sáhegéá chakkarit, béshakk ke á mopt o náhudagá tach o tága kant, mocch o ambára kant, bale nazánt ke kayá rasant.

Zabur 62:10

Pa zolm o zórá tawkal makanét o pa dozziá omét mabandét, harchont ke shomay mál géshtera bit, pa áiá del mabandét.

Dargwaz 22:2

Agan dozzéá lógé jat o hamé wahdá gerag but o haminkas latth o kotth kanag but ke mort, áiá hónbahá nést.

Mattá 19:21

Issáyá passaw dát: “Agan lóthay tamánén ensáné bebay, beraw wati sajjahén mál o hastiá bahá kan o zarrán garib o nézgárén mardománi sará bahr kan, é paymá tará ásmáni ganjé rasit. Gorhá byá o mani randgiriá bekan.”

Mattá 6:20

Pa wat ásmáná ganj o hazánag ambár bekanét ke ódá na warók o ramézesha wárt, na zanga gerant o na dozzesha polant o barant.

Luká 12:21

Esh ent á mardomay ásar o ákebat ke pa wat mál ambára kant bale Hodáay gwará hastómand naent.”

Luká 12:33

Wati mál o melkatá bahá kanét o nézgáráni sará bahr kanét. Pa wat anchén zarturag addh bekanét ke hechbar kwahn mabant, nahallagi o abadmánén ásmáni ganjé ambár kanét ke na dozz áiá bárt o na warók o raméz áiá wárt.

Luká 12:39

Shomá sharra zánét, agan lógay hodábondá bezántén dozz kojám wahdá kayt, gorhá áiá hechbar dozz wati lógá pa dozziá naeshtagat.

Luká 18:22

Wahdé Issáyá áiay passaw eshkot, gwashti: “Tará angat yakk káré kanagi ent, wati sajjahén mál o hastiá bahá kan o zarrán garib o nézgárén mardománi sará bahr kan, é paymá tará ásmáni ganjé rasit. Gorhá byá o mani randgiriá bekan.”

Luká 18:24

Issáyá á mard cháret o gwashti: “Pa hazgár o máldárén mardomán Hodáay bádsháhiá pád ér kanag sakk grán ent.

Pa Timutáusá Pulosay awali kágad 6:17

Hamá mardom ke é donyáyá hastómand ant, áyán hokm beday ke gorunák mabét o wati ométá gón wati mál o hastiá mabandét ke mál o hastia kayt o rawt. Wati ométá Hodáay sará bebandét ke gón daspachi márá alkáp o peráwánén zendé dant.