Mattá 6:12 - Hodáay Pákén Ketáb Balochi zobáná

¹² May gonáh o radián bebaksh, anchosh ke má wati sajjahén daynkár bakshetagant.

Mattá 6:12 ပူးပေါင်းရင်းမြစ်များ

Zabur 130:4

Bale taw bakshendah ay tánke tai tors may delá bebit.

Zabur 32:1

Bahtáwar hamá ent ke Hodáwand cha áiay násharián sar gwastag o gonáhi bakshag butagant.

Dargwaz 34:7

Gón hazárán naslá wati mehrá barjáha dárán o radkári o sarkasshi o gonáhána bakshán bale radkáriá bé sezáyá gwazaga naylán. Pet o mátáni radkáriáni sezáyá chokk o nomásagána dayán, tán sayomi o cháromi naslá.”

Dányál 9:19

Oo Hodáwand! Gósh dár. Oo Hodáwand! Pahell kan. Oo Hodáwand! Delgósh kan o komakk kan. Oo mani Hodá! Pa watigi bechár, dér makan chéá ke tai shahr o kawm gón tai námá tawár kanaga bant.”

Mattá 26:28

É mani ahd o karáray hón ent, ke pa bázénéay gonáháni bakshagá réchaga bit.

Mattá 9:2

Hamé wahdá lahtén mardomá, tahtéay sará waptagén lang o mondhén mardé áiay kerrá áwort. Wahdé Issáyá áyáni setk o báwar dist, gón langá gwashti: “Oo mani chokk! Delá mazan kan, tai gonáh bakshag butant.”

Markás 11:25

Har wahdá ke pa dwáyá óshtét, agan shomárá gón yakkéá gelage hast, wati dwáay tahá áiá bebakshét, tánke shomay ásmáni Pet ham, shomay gonáh o mayárán bebakshit.

Luká 11:4

May gonáh o radián bebaksh, anchosh ke má wati sajjahén daynkárána bakshén. Márá ázmáesh o chakkásá dawr maday.’”

Luká 13:4

Gomána kanét hamá hazhdahén mardom ke Siluháay borj áyáni sará kapt o mortant, cha Urshalimay á dega sajjahén mardomán radkárter atant?

Luká 6:37

Degarán ér majanét o iráz magerét, tánke shomá ér janag mabét. Kaséá mayárig makanét, tánke mayárig kanag mabét, degarán pahell kanét o bebakshét tánke pahell kanag o bakshag bebét.

Kásedáni Kár 13:38

Oo brátán! Bezánét, cha Issáay némagá gonáháni pahelliay jár pa shomá janaga bit.