Mattá 6:10 - Hodáay Pákén Ketáb Balochi zobáná

¹⁰ Tai bádsháhi byáyát. Tai wáhag o erádah zeminay sará ham hamá dhawlá sarjam bát ke ásmáná sarjama bit.

Mattá 6:10 ပူးပေါင်းရင်းမြစ်များ

Zabur 2:6

“Man wati bádsháh, wati pák o gechénién kóh, Sahyunay sará nendáréntag.”

Zabur 40:8

Oo mani Hodá! Armánon tai lóth o wáhagay sarjam kanag ent, tai Sharyat mani delá ent.”

Dányál 2:44

Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Dányál 4:35

Jahánay sajjahén mahluk áiay démá hecch naant. Á, gón ásmáni lashkará wati delay tabá kára kant o gón zeminay saray nendókán ham. Choshén kasé nést ke áiay dastá bedárit o begwashit ke ‘taw ché kanagá ay?’

Dányál 7:13

Man shapay elhámán cháragá atán ta diston, gón ásmáni jambarán ensáni chokkéay dhawléné áyagá at o hamáiay némagá pédák at ke cha zamánagán hastent o áiay démá árag o pésh kanag but.

Dányál 7:27

Padá bádsháhi, hákemi o ásmánay chéray sajjahén bádsháhiáni shawkat o mazani, borzén arshay Hodáay pákén mardomán dayaga bit. Hodáay bádsháhi abadi bádsháhié bit o sajjahén bádsháhi o molk, Hodáay hezmat o parmánbardáriá kanant.’

Mattá 12:50

Harkas ke mani ásmáni Petay wáhag o razáay sará kára kant, mani brát, mani mát o gohár hamá ent.”

Mattá 16:28

Shomárá rásténa gwashán, edá lahtén mardom óshtátag ke tán áyáni démá Ensánay Chokkay bádsháhi záher mabit, markay támá nachashant.”

Mattá 26:42

Domi bará pa dwá kanagá shot o dwái kort: “Oo mani Pet! Agan é pyálah bé nóshagá cha man thagalénaga nabit, gorhá harché ke tai razá ent hamá dhawlá bebit.”

Mattá 3:2

“Cha wati gonáhán pashómán bebét o tawbah bekanét, chéá ke ásmáni bádsháhi nazzikk ent.”

Mattá 4:17

Cha hamá wahdá, Issáyá é kolaw o paygámay rasénag bongéj kort. Gwashti: “Cha wati gonáhán pashómán bebét o tawbah bekanét, chéá ke ásmáni bádsháhi nazzikk ent.”

Mattá 7:21

Hamá ke maná ‘Hodáwand, Hodáwanda’ gwashant, pa á sajjahénán ásmáni bádsháhiay darwázag pacha nabit, tahná hamá shota kant ke mani ásmáni Petay wáhag o razáay sará kára kant.

Markás 11:10

Shogr ent ke may bonpirok Dáuday bádsháhi padá barjáh dáraga bit. Hushiáná, borzén arshá!”

Markás 3:35

Á ke Hodáay wáhag o razáay sará kára kanant, hamá mani mát o brát o gohár ant.”

Luká 19:11

Hamá wahdá ke mardom Issáay habarán gósh dáragá atant, Issáyá gésh kanán mesálé áwort. Chéá ke á Urshalimay nazzikká rasetagat o mardománi gomán esh at ke Hodáay bádsháhi hamá wahdá paddara bit.

Luká 19:38

“Mobárak bát, hamá bádsháhá ke pa Hodáwanday námá kayt! Sohl o ásudagi mán ásmáná o shán o shawkat borzén arshá.”

Luká 22:42

“Oo mani Pet! Agan tai razá ent gorhá é sakkiáni jám o pyálahá cha man dur kan o bethagalén, bale na pa mani lóth o wáhagá, pa tai jenday washnódiá.”

Yuhanná 4:34

Issáyá gwasht: “Mani warák esh ent ke wati dém dayókay wáhagá purah bekanán o áiay kárán sarjam bekanán.

Yuhanná 6:40

Chéá ke mani Petay wáhag hamesh ent ke harkas ke Chokkay némagá delgósha kant o áiay sará imána kárit, abadmánén zenday wáhond bebit o man á mardomá áheratay róchá zendaga kanán.”

Yuhanná 7:17

Harkas ke Hodáay wáhagán sarjam kanag belóthit, zánt ke mani tálim Hodáayg ant yá man cha wat habara kanán.

Kásedáni Kár 13:22

Randá Hodáyá á, cha bádsháhiay tahtá ér gétk o Dáud áyáni bádsháh kort. Hodáyá pa áiá gwáhi dát ke ‘mani del cha Yassiay chokk Dáudá rázig ent o á mani har wáhagá sarjama kant.’

Kásedáni Kár 21:14

Wahdé má Pulos mannént nakort, gorhá gwashtén: “Harché ke Hodáwanday razá ent, hamá dhawlá bebit” o bétawár butén.

Kásedáni Kár 22:14

Gorhá Hannániáyá gón man gwasht: ‘May pet o pirokáni Hodáyá tará gechén kortag tán áiay razáyá bezánay, áiay “Pák o Nékéná” begenday o áiay tawárá cha áiay jenday dapá beshkonay.

Pulosay kágad pa Rumián 12:2

Gón é donyáyá hamrang o hamdróshom mabét, cha wati pegr o pahmay nók kanagay ráhá badal bebét, tán shomá bezánét o gisshént bekanét ke Hodáay wáhag ché ent, kojám chizz sharr, kámel o Hodáyá pasond ent.

Pa Tesálunikián Pulosay awali kágad 4:3

Hodáay razá esh ent ke shomá pák o palgár bebét o watá cha hawas o syahkáriá dur bedárét.

Pa Tesálunikián Pulosay awali kágad 5:18

Har paymén jáwaráni tahá Hodáay shográ begerét, chéá ke pa shomá Hodáay razá hamesh ent, shomá ke Issá Masihayg ét.

Petrosay Awal Kágad 2:15

Hodá lóthit shomá gón wati sharrén kerd o kárán ahmakén mardománi násarpadén habaráni démá bedárét.

Petrosay Awal Kágad 4:2

É paymá, nun á wati mantagén jesmi zendá ensáni lóth o wáhagáni sará nagwázénit, Hodáay wáhagáni sará gwázénit.

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 12:10

Padá man borzén tawáré cha ásmáná eshkot ke gwashagá at: “Nun may Hodáay rakkénag o zór o bádsháhi o áiay Masihay ehtiár rasetag, chéá ke may brátáni bohtám janók, hamá ke róch o shap áyáni sará may Hodáay démá bohtám janagá at, gallénag butag.

Elhám 19:6

Padá man anchén tawár eshkot ke chó mazanén mocchi o bázén áp o trondén grandáni tawárá atant ke gwashtesh: “Hodáwandá benázénét, Halléluyá. Chéá ke may porwákén Hodáwandén Hodá hokmránia kant.

Elhám 20:4

Randá man taht dist o á ke tahtáni sará neshtagatant, áyán dádrasiay ehtiár dayag but. O man hamáyáni arwáh distant ke áyáni sar pa Issáay bárawá sháhedi dayag o Hodáay habaray sawabá borrag butagatant, hamáyáni ke rastar o áiay botesh sojdah nakortagat o wati péshánig yá dastay sará áiay neshánesh nazortagat. Á padá zendag butant o hazár sálá gón Masihá hokmrániesh kort.