Mattá 5:45 - Hodáay Pákén Ketáb Balochi zobáná

⁴⁵ tán wati ásmáni Petay chokk bebét, chéá ke á wati róchá pa nék o badána drapshénit o wati hawrá pa pahrézkár o radkárána gwárénit.

Mattá 5:45 ပူးပေါင်းရင်းမြစ်များ

Zabur 145:9

Hodáwand gón sajjahénán nék ent o wati sajjahén addh kortagénáni sará rahma kant.

Mattá 5:9

Bahtáwar ant hamá ke sohl o émenia kárant, chéá ke á Hodáay chokk náménaga bant.

Luká 6:35

Bale shomá gón wati dozhmenán ham mehrabán bebét, gón áyán néki bekanét, wámesh bedayét o padá malóthét. É dhawlá, shomárá cha Hodáay némagá, mazanén mozzé rasit o shomá mazanshánén Hodáay Chokka bét, chéá ke á, gón náshogr o badkárén mardomán ham mehrabán ent.

Yuhanná 13:35

Agan yakdegará dóst bedárét, gorhá harkasa zánt ke shomá mani morid ét.”

Kásedáni Kár 14:17

Angat ham áiá watá cha gwáhi dayagá dur nadáshtag. Pa wati mehray darshán kanagá, cha ásmáná hawra gwárénit o porbarén keshárán pa mósoma ródénit, shomárá pa alkápi ward o waráka dant o shomay delán cha wasshián sarrécha kant.”

Pa Pilipián Pulosay kágad 2:15

ke shomá pák o béayb bemánét. Chóth o kajráhén padréchéay nyámá Hodáay bémayárén chokk bebét o “Zenday Gálá” mohr bedárét o chó estárá jaháná bedrapshét. Á wahdá, Mashiay áyagay róchá pahr basta kanán ke man moptén tach o tágé o béásarén johdé nakortag.

Yuhannáay Awali Kágad 3:9

Á ke cha Hodáyá pédá butag gonáha nakant, parchá ke Hodáay zát áiá mán ent. Gorhá á gonáh korta nakant, chéá ke cha Hodáyá pédá butag.