Mattá 3:6 - Hodáay Pákén Ketáb Balochi zobáná

⁶ Wati gonáháni pashómániesh záher kort o Yahyáyá Ordonay kawrá pákshódi dátant.

Mattá 3:6 ပူးပေါင်းရင်းမြစ်များ

Zabur 32:5

Gorhá wati gonáhon tai dargáhá mannet o wati náparmániánon chér nadát. Gwashton: “Wati gonáh o sarkashián Hodáwanday gwará mannán” o taw mani gonáhay mayárbári bakshet. Ósht...

Dányál 9:4

Man wati Hodáwandén Hodáay kerrá dwá kort, gonáh mannetant o gwasht: “Oo Hodáwand! Oo mazan o bákamálén Hodá! Taw hamá Hodá ay ke wati ahd o karárá puraha kanay o gón hamáyán mehra kanay ke tará dósta dárant o tai parmánána mannant.

Mattá 3:11

Man pa shomay gonáháni pashómániá, shomárá gón ápá pákshódia dayán, bale hamá ke cha man o rand áyagi ent, cha man zórmandter ent o man áiay kawsháni dast geragay láhek ham naán. Á shomárá gón Pákén Ruh o ásá pákshódia dant.

Markás 1:5

Mardom, cha Yahudiahay sajjahén métag o kallagán o cha Urshalimay shahrá áiay kerrá shotant. Wati gonáhesh mannetant o Yahyáyá Ordonay kawrá pákshódia dátant.

Luká 1:16

Bázén Bani Esráiliáni delán dém pa Hodáwandá tarrénit, ke áyáni Hodá ent.

Luká 3:16

Bale Yahyáyá á sajjahén passaw dátant o gwashti: “Man shomárá tahná gón ápá pákshódia dayán, bale yakk anchén kasé áyagi ent ke á cha man zórmandter ent o man áiay kawshbandáni bójagay láhek ham naán. Á shomárá gón Hodáay Pákén Ruh o ásá pákshódia dant.

Kásedáni Kár 1:5

Yahyáyá mardom gón ápá pákshódi dátagant, bale Petay wádah esh ent ke lahtén róchá o rand shomá cha Hodáay Pákén Ruhá pákshódi dayaga bét.”

Kásedáni Kár 11:16

Á wahdá man Hodáwanday hamá habaráni hayál o tránagá kaptán ke gwashtagati: ‘Yahyáyá mardom gón ápá pákshódi dátagant, bale shomá cha Hodáay Pákén Ruhá pákshódi dayaga bét.’

Kásedáni Kár 19:18

Bázéné ke báwarmand but, mardománi démá wati pésarigén sellén káresh mannetant.

Kásedáni Kár 22:16

Nun chéá mahtal ay? Pád á, Issáay námá beger, pákshódi bekan ke cha wati gonáh o mayárán pák o palgár bebay.’

Ákub 5:16

Paméshká, wati gonáhán, yakdomiay démá bemannét o pa yakdomiá dwá belóthét tán dráh kanag bebét. Pahrézkárén mardoméay dwáyá zór mán o barjáha bit.

Petrosay Awal Kágad 3:21

Hamé áp shomay pákshódiay mesál o nemunah ent ke annun shomárá rakkénit. Pákshódi jesm o jánay zaheri chellán páka nakant, é pa pákén wejdán o jabiná gón Hodáyá shomay dazbandi ent ke cha Issá Masihay jáh janagay wasilahá shomárá rasit,

Yuhannáay Awali Kágad 1:9

Bale agan wati gonáhán bemannén, á ke wapádár o ádel ent may gonáhána bakshit o may sajjahén nápahréziána shódit.