Mattá 28:9 - Hodáay Pákén Ketáb Balochi zobáná

⁹ Issá bé gat o gománá anágat wat gón á janénán dochár kapt o gwashti: “Salám o drót!” Á nazzikká átkant, Issáay pádesh geptant o parasteshesh kort.

Mattá 28:9 ပူးပေါင်းရင်းမြစ်များ

Mattá 14:33

Hamá ke bójigá neshtagatant, Issáesh satá o saná kanáná gwasht: “Béshakk taw Hodáay Chokk ay.”

Mattá 23:7

Bázáráni tarr o garday wahdá lóthant ke mardom áyán wasshátk o drahbát begwashant o ‘rabbi’ tawár bekanant.

Mattá 28:10

Issáyá gón áyán gwasht: “Matorsét! Berawét mani brátán begwashét ke Jalilá berawant, hamódá maná gendant.”

Mattá 28:17

Wahdé áyán Issá dist parasteshesh kort, bale lahtén angat shakk at.

Mattá 28:8

Gorhá janén pa tors o ham gón wasshi cha kabray sará tachán but o shotant tán é hálá moridán sar bekanant.

Luká 1:28

Préshtag, Maryamay kerrá átk o gwashti: “Gal o shádán bay ke Hodáay nékén wáhagay sáhegá ay o Hodáwand gón taw gón ent.”

Luká 24:52

Moridán Issá parastesh kort o gón bázén gal o wasshié Urshalimá per tarretant.

Luká 7:38

Issáay poshtá, áiay pádáni nazzikká gréwán óshtát, gón wati arsán Issáay pádi tarr kort o gón wati mud o malgórán hoshk kortant o pádi chokket o atr per moshtant.

Yuhanná 12:3

Nun Maryamá ném tásay kesásá Hendi sombolay zagr o gránbaháén atr áwort, Issáay pádáni sará per rétk o gón wati mudán Issáay pádi hoshk kortant. Lógay sajjahén kondhán atray wasshén bó tálán but.

Yuhanná 20:19

Hamá Yakshambehay shapá, wahdé morid cha Yahudiáni torsá lógéay tahá mocch atant o lógay darwázag kobl atant, Issá átk o áyáni nyámá óshtát o gwashti: “Émeni o salámati pa shomá.”

Yuhanná 20:28

Tumáyá gwasht: “Oo mani Hodáwand, oo mani Hodá!”

Elhám 3:9

Bechár, man cha Shaytánay kanisahay mardomán lahtén tará dayán, cha hamáyán ke watá Yahudia gwashant bale Yahudi naant o dróga bandant. Bechár, man áyána parmáyán, á káyant, tai pádáni démá kapant o sarpada bant ke man tará dóst dáshtag.