Mattá 27:51 - Hodáay Pákén Ketáb Balochi zobáná

⁵¹ Hamá wahdá mazanén parasteshgáhay pardah, borzádá beger tán jahlád, dert o do bahr but, zemin larzet o talár trakket o kap butant,

Mattá 27:51 ပူးပေါင်းရင်းမြစ်များ

Zabur 18:15

Daryáay ápráh gendag butant o donyáay bonyát paddar, cha tai neherr o hakkalán cha tai pónzay trondén gwátá, oo Hodáwand!

Zabur 18:7

Nun zemin chandhet o jomb o jóshá lagget, kóháni béh o bonyát ham larzetant, chiá ke á hezhm geptagat.

Dargwaz 40:21

Pétii tambuay tóká bort o pardahi pétiay démá dratk o pétii chér o andém kort, hamá paymá ke Hodáwandá Mussá hokm dátagat.

Mattá 27:54

Hamá pawji apsar o áiay hamráhén sepáhig ke Issáay páneg atant, wahdé zeminchandh o é dega sargwastesh distant, sakk torset o gwashtesh: “Béshakk é mard Hodáay Chokk at.”

Mattá 28:2

Yakk anágat mazanén zeminchandhé but, chéá ke Hodáwanday préshtagé cha ásmáná ér átk, dhóki léthént o áiay sará nesht.

Markás 15:38

Hamé wahdá, mazanén parasteshgáhay pardah, borzádá beger tán jahlád dert o do bahr but.

Luká 23:45

Chéá ke róchay drapshag band butagat o mazanén parasteshgáhay pardah cha nyámá dert o do ném but.

Luká 23:47

Pawjiáni yakk apsaréá é nedárag dist, Hodái satá kort o gwashti: “Béshakk ke é nékén mardé at.”

Elhám 11:13

Hamá damáná baláhén zeminchandhé átk o shahray dahyakk tabáh but. Zeminchandhá hapt hazár mardom mort. Pasht kaptagénán sakk báz torset o borzén arshay Hodáesh shán o shawkat dát.

Elhám 11:19

Padá Hodáay parasteshgáh arshá pach kanag but o Hodáay ahd o karáray péti, áiay parasteshgáhay tahá gendag but. Geróki shahm, borzén tawár o grand atant, zeminchandh o sakk báz tróngal but.