Mattá 27:4 - Hodáay Pákén Ketáb Balochi zobáná

⁴ Gwashti: “Man sakk mayárig án ke yakk bégonáhén mardomé pa kóshárénagá geráéntag.” Bale áyán passaw dát: “Má chón kanén, taw bezánay o tai kár.”

Mattá 27:4 ပူးပေါင်းရင်းမြစ်များ

Zabur 94:21

Áyáni thóli pahrézkáráni helápá hamdast o hamkára bant o bégonáhán markay sezá dayant.

Dargwaz 12:31

Shapay shap Perawná Mussá o Hárun lótháéntant o gwashti: “Chest bét o cha mani molk o mardomán dur bét, shomay jend o sajjahén Esráili. Berawét o Hodáwandá parastesh kanét, hamá paymá ke shomá lóthetag.

Dargwaz 9:27

Perawná Mussá o Hárun lótháént o gwashtant: “É bari man gonáh kortag. Hodáwand barhakk ent o man o mani mardom mayárbár én.

Mattá 27:19

Wahdé Pilátus hakdiwáná neshtagat, áiay janá é kolaw ráh dát ke “Gón é bégonáh o nékén mardá hecch makan, chéá ke dóshi man eshiay bárawá sakkén paréshánén wábé distag.”

Mattá 27:54

Hamá pawji apsar o áiay hamráhén sepáhig ke Issáay páneg atant, wahdé zeminchandh o é dega sargwastesh distant, sakk torset o gwashtesh: “Béshakk é mard Hodáay Chokk at.”

Luká 23:22

Pilátusá, sayomi randá cha áyán jost kort: “Chéá bárén? É mardá che badén káré kortag? Man pa eshiá hecch choshén mayáré nagendán ke kóshay hokmá bedayán, paméshká adabia dayán o yalahia kanán.”

Luká 23:41

May sezá barhakk ent, chéá ke may kortagén káráni ásar ent. Bale é mardá hecch mayáré nakortag.”

Luká 23:47

Pawjiáni yakk apsaréá é nedárag dist, Hodái satá kort o gwashti: “Béshakk ke é nékén mardé at.”

Yuhanná 19:7

Yahudián gwasht: “Márá Sharyaté hastent ke áiay redá, é mard allamá koshag bebit, chéá ke gwashtagi: ‘Man Hodáay Chokk án.’”

Kásedáni Kár 13:28

Harchont áyán pa Issáay koshagá hecch sawab o dalilé nadist, bale cha Pilátusá lóthetesh ke áiá bekóshárénit.

Pulosay kágad pa Rumián 3:19

Nuna zánén, Sharyat har ché ke gwashit pa hamá mardomán ent ke Sharyatay sáhegá ant, tán sajjahén dap band bebant o sarjamén donyá Hodáay bárgáhá mayárig bebit.

Pa Timutáusá Pulosay awali kágad 4:2

É tálim cha drógbandáni dotal o dopóstiá pédá bant. É drógbandáni zamir gón taptagén ásenéá dág dayag o koshag butag.

Pa Titusá Pulosay kágad 1:16

É mardoma gwashant ke má Hodáyá zánén, bale áyáni kár pésha dárant ke áiá nazánant. Choshén mardom bazzhenák ant, náparmán ant o hecch sharrén káray kábel naant.

Petrosay Awal Kágad 1:19

gón hamá béayb o békecchahén Gwarándh, bezán Masihay bébaháén hóná bahá zurag butagét.

Yuhannáay Awali Kágad 3:12

Káenay dhawlá mabén ke Shaytánay chokk at o wati bráti kosht. Nun chéá á koshti? Pa é sawabá ke áiay jenday kár o kerd sell o shaytáni atant o brátay kár nék o Hodái atant.

Elhám 11:10

Zeminay sará neshtagén mardom, esháni sará gala bant o jashna gerant o pa yakdomiá théki déma dayant, chéá ke é doén paygambarán zeminay sará neshtagén mardom ázár dátagant.