Mattá 26:69 - Hodáay Pákén Ketáb Balochi zobáná

⁶⁹ Á wahdá Petros dhanná péshgáhá neshtagat, móledé áiay kerrá átk o gwashti: “Taw ham Jalili Issáay hamráh butagay.”

Mattá 26:69 ပူးပေါင်းရင်းမြစ်များ

Zabur 1:1

Bahtáwar hamá ent ke badkáráni shawr o saláhay sará narawt, gonahkáráni rahsará naóshtit o rishkand kanókáni diwáná nanendit,

Mattá 21:11

Mocchiay mardomán passaw dát: “É hamá nabi ent, Issá ke Jalilay shahr Náserahay nendóké.”

Mattá 26:3

Hamé wahdá, mazanén dini péshwá o kawmay kamáshán, masterén dini péshwá Kayápáay márhiá diwán kort o

Mattá 26:58

Petros ham dur durá, Issáay randá rawán at tán masterén dini péshwáay lógay péshgáhá raset, tahá potert o gón hezmatkárán nesht tán bezánt ke chónén shawré borraga bit.

Mattá 26:70

Bale áiá sajjahénáni démá namannet o gwashti: “Mana nazánán taw ché gwashagá ay.”

Mattá 26:71

Wahdé dém pa mazanén darwázagá rawagá at, dega móledéá dist o gón mardomán gwashti: “É mard Issá Náseriay hamráh butag.”

Yuhanná 1:46

Natnáilá gwasht: “Cha Náserahay shahrá ham sharrén chizzé dar kapta kant?” Piliposá gwasht: “Byá o bechár!”

Yuhanná 7:41

Dega lahténá gwasht: “É Masih ent.” Bázénéá chosh ham gwasht: “Masih cha Jalilá kayt?

Yuhanná 7:52

Áiay passawá gwashtesh: “Taw ham cha Jalilay mardomán ay? Wat patth o pól kan o bechár, hecch nabié cha Jalilá chesta nabit.”

Kásedáni Kár 5:37

Cha áiá rand, Yahudá námén Jalili mardéá, mardomshomáriay róchán jáh jat, áshóp kort o lahtén mardomi gón wat tarrént, bale á ham koshag but o hamráhi sheng o sháng butant.