Mattá 26:38 - Hodáay Pákén Ketáb Balochi zobáná

³⁸ Gón áyán gwashti: “Sakk paréshán án, gam o andóhán maná markig kortag, shomá edá bedárét, mawapsét o mani hamráhiá ágah o hozzhár bét.”

Mattá 26:38 ပူးပေါင်းရင်းမြစ်များ

Zabur 116:3

Markay sádán patátagatán, kabray tors mani sará kaptagat gam o andóháni bandig atán.

Zabur 42:5

Oo mani arwáh! Chiá gimmortagay? Chiá mani del o daruná paréshán ay? Óst o omét Hodáay sará bekan, chiá ke nóksará hamáiá názénán, wati rakkénók o

Mattá 25:13

Paméshká hósh o sár bebét chéá ke shomá á róch o sáhatá heccha nazánét.

Markás 14:34

Gón áyán gwashti: “Sakk paréshán án, gam o andóhán maná markig kortag, shomá edá bedárét, mawapsét o ágah o hozzhár bét.”

Yuhanná 12:27

Annun mani del paréshán ent, man ché begwashán? Bárén begwashán: ‘Oo mani Pet! Maná cha é damán o sáhatá berakkén’? Na, habar esh ent ke mani áyagay morád o maksad hamé damán o sáhat butag.

Pulosay kágad pa Rumián 8:32

Á ke wati Chokkay parwáhi nakort o pa maygi cha áiá sar gwast, gón áiá hawár, á dega sajjahén chizzán ham márá nadant?

Pa Galátián Pulosay kágad 3:13

Hamá nálat ke may sará at Masihá wati sará zort o é dhawlá márá cha Sharyatay nálatá móketi, chéá ke nebeshtah ent: “Harkas ke dáray sará dranjag but, nálatié.”

Petrosay Awal Kágad 2:24

Áiá wat may gonáháni bár salibay sará wati baddhá laddhet, tánke gonáh cha may delá bemerit o pa néki o páki zend begwázénén, ke shomá cha hamáiay thapp o thórán dráh butagét.

Petrosay Awal Kágad 3:18

Masihá ham yakk baré pa may gonáhán sakki sagget, bezán á “Nék o Páká” pa gonahkárán wati ján nadr kort tán márá pa Hodáyá sar bekant. Masih jesmi koshag but bale Ruhá zendag kort.

Petrosay Awal Kágad 4:7

Donyá zutt halás bayagi ent, paméshká gón shehm o rahdáriá watá grán o sangin bedárét tán dwá kort bekanét.