Mattá 26:37 - Hodáay Pákén Ketáb Balochi zobáná

³⁷ Zebdiay doén chokk o Petrosi wati hamráh kortant. Anágat yakk mazanén andóh o bétáhirié áiay jesm o jáná nesht.

Mattá 26:37 ပူးပေါင်းရင်းမြစ်များ

Mattá 17:1

Shash róchá rand, Issáyá Petros, Ákub o áiay brát Yuhanná, hamráh kortant o yakk borzén kóhéay sará bortant ke ódá dega kass mabit.

Mattá 20:20

Hamé wahdá Zebdiay chokkáni mát, wati chokkáni hamráhiá Issáay kerrá átk, áiay pádán kapt o lótheti ke pa mennatgiri chizzé begwashit.

Mattá 4:18

Wahdé Issá Jalilay mazangwarmay lambá gám janagá at, do bráti dist, yakké Shamun at ke pannámi Petros at o domi áiay brát Andriás at. Áyáni kár máhigiri at o á wahdá pa máhigiriá wati dám o máhórán gwarmá chér géjagá atant.

Mattá 4:21

Wahdé kammé démá shot, dega do brát, Ákub o Yuhannái distant ke Zebdiay chokk atant. Bójigay tahá gón wati pet Zebdiá neshtagatant o wati máhórán sráchag o sharr kanagá atant. Issáyá á lóthetant.

Markás 5:37

Cha Petros, Ákub o áiay brát Yuhannáyá abéd, dega hechkasá hamráhiay ejázati nadát.

Luká 22:44

Á, yakk grán o jánsóchén ranjéá dochár at, paméshká géshter dwái kort o áiay héd, hónay trampáni dhawlá zeminay sará petthetant.

Yuhanná 12:27

Annun mani del paréshán ent, man ché begwashán? Bárén begwashán: ‘Oo mani Pet! Maná cha é damán o sáhatá berakkén’? Na, habar esh ent ke mani áyagay morád o maksad hamé damán o sáhat butag.