Mattá 26:10 - Hodáay Pákén Ketáb Balochi zobáná

¹⁰ Issáyá moridáni é nawasshi sarkech wárt, paméshká gwashti: “Chéá shomá é janéná ranjénagá ét? Eshiá gón man nékié kortag.

Mattá 26:10 ပူးပေါင်းရင်းမြစ်များ

Mattá 26:11

Garib o nézgár modám shomay kerrá hast, bale man harwahd gón shomá gón naán.

Mattá 26:9

Agan é bahá kanag butén, mazanén zarré rasetagat o garib o nézgárán dayag butagat.”

Markás 14:6

Bale Issáyá gwasht: “Belléti, shomá pa ché eshiá ranjénagá ét? É janéná gón man nékié kortag.

Luká 8:49

Issá angat habará at, ke cha kanisahay masteray lógá, mardomé átk o Yáerusi hál dát ke “Tai jenekk mortag o nun ostádá géshter delsyáh makan.”

Pa Galátián Pulosay kágad 1:7

Albat dega wasshén mestág nést, bale lahtén mardom hast ke shomárá mán gisshénagá ant o Masihay wasshén mestágá badal kanaga lóthant.

Pa Galátián Pulosay kágad 5:12

Hamá ke shomárá janjála kanant, watá gwahtag kanátant.

Pa Galátián Pulosay kágad 6:17

Cha ed o rand kass pa man janjál addh makant, chéá ke hamá ázár ke man pa Issáaygi kasshetagant, áyáni neshán angat mani badaná per ant.

Pa Tesálunikián Pulosay domi kágad 2:17

shomay delá dhaddh kanát o shomárá pa har sharrén kerdár o goptárá zórmand kanát.

Pa Timutáusá Pulosay awali kágad 3:1

É gapp rást ent ke á kas ke kelisáay kamáshé bayaga lóthit, á pa sharrén káréá wáhagdár ent.

Pa Timutáusá Pulosay awali kágad 5:10

Á wati sharrén káráni sawabá washnámén mardomé bebit. Anchén mardomé bebit ke wati chokki sharr ródéntagant, mehmándárii kortag, palgártagénáni hezmati kortag, paréshánén mardománi komakki kortag o pa har paymén sharrén kárá modám tayár butag.

Pa Timutáusá Pulosay domi kágad 2:21

Agan kasé watá cha badkáriá dur bedárit o watá palgár bekant, pa hásén kárán darpé bit, pák o palgár kanaga bit, wati wáhonday dardá wárt o pa har sharrén kárá tayára bit.

Pa Titusá Pulosay kágad 1:16

É mardoma gwashant ke má Hodáyá zánén, bale áyáni kár pésha dárant ke áiá nazánant. Choshén mardom bazzhenák ant, náparmán ant o hecch sharrén káray kábel naant.

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Pa Titusá Pulosay kágad 3:1

Báwarmandán yátá perrén ke hákem o ehtiárdáráni ezzatá bekanét, áyáni parmánbardár bebét o pa har sharrén káray kanagá tayár bebét.

Pa Titusá Pulosay kágad 3:14

May mardom báyad ent dar bebarant ke chón watá pa sharrén kárán wapka kanant tánke degaráni zaluratán purah bekanant. É paymá may mardománi zendagi bésamara nabit.

Pa Titusá Pulosay kágad 3:8

É gapp rást ent o mana lóthán ke taw é tálimay sará zór bedayay, tánke hamá mardomán ke wati omét gón Hodáyá bastag, wati delgóshá gón sharrén kárán bekanant. É sharrén habar ant o pa harkasá páedagmand ant.

Petrosay Awal Kágad 2:12

Nábáwaráni nyámá pák o palgárén zend begwázénét. Bell toré á, shomárá bohtáma janant o gwashant ke shomá radén kár kanagá ét, bale gón shomay nékén káráni gendagá, Hodáay áyagay róchá Hodáyá sharap o ezzat bedayant.