Mattá 25:44 - Hodáay Pákén Ketáb Balochi zobáná

⁴⁴ Gorhá á ham josta kanant: ‘Oo wájah! Má kadi tará shodig, tonnig, darpadar, jándar, nádráh yá bandig distag o tai hezmat nakortag?’

Mattá 25:44 ပူးပေါင်းရင်းမြစ်များ

Mattá 10:41

Agan kasé paygambaréá paméshká wasshátka kant o sharapa dant ke á Hodáay ráh dátagén ent, áiá paygambaréay mozza rasit. Hamé dhawlá, kasé ke pahrézkár o rástén mardoméá pa áiay pahrézkáriá sharap bedant, áiá ham pahrézkárén mardoméay mozza rasit.

Mattá 25:43

Darpadar atán lógá nabort, jándar atán póshák gwará nadát, nádráh yá bandig atán o manó hálporsi nakort.’

Mattá 25:45

Gorhá bádsháh áyán é dhawlá passawa dant: ‘Báwar kanét, wahdé shomá gón mani hecch kasterénéá é dhawlén kár nakortag, gorhá allam bezán gón manó ham nakortag.’

Mattá 5:6

Bahtáwar ant hamá ke hakk o ensápay shodig o tonnig ant, chéá ke á séra bant.

Mattá 7:22

Wahdé á rócha kayt bázéné maná gwashit: ‘Hodáwand, oo Hodáwand! Má gón tai námá paygambari nakortag? Gón tai námá cha mardomán jenn nakasshetagant o gón tai námá bázén ajabén kár pésh nadáshtag?’

Luká 10:29

Nun Sharyatay zánógerá pa é sawabá ke pésh bedárit áiá sharrén josté kortag, cha Issáyá padá jost kort: “Gorhá, mani hamsáheg kay ent?”