Mattá 25:42 - Hodáay Pákén Ketáb Balochi zobáná

⁴² Chéá ke wahdé man shodig atán shomá maná warag nadát, tonnig atán ápó nadát.

Mattá 25:42 ပူးပေါင်းရင်းမြစ်များ

Mattá 12:30

Kasé ke mani hamráh o dózwáh naent, á mani badwáh ent, kasé ke mocch o yakjáh kanagá gón man hór naent, á, sheng o sháng o tak o parka kant.

Mattá 25:35

Chéá ke wahdé man shodig atán, shomá maná warag dát. Tonnig atán, maná ápó dát. Darpadar atán, maná wati lógá jágahó dát.

Mattá 25:41

Randá gón hamáyán ke chappén némagá ant, gwashit: ‘Oo shummán! Cha mani démá dur bét o hamá jamburén ásay némagá berawét ke hechbara namerit o pa Shaytán o áiay hamráhán addh kanag butag.

Mattá 25:43

Darpadar atán lógá nabort, jándar atán póshák gwará nadát, nádráh yá bandig atán o manó hálporsi nakort.’

Mattá 4:2

Chell shap o chell róch róchag dáragá rand Issá shodig but.

Yuhanná 14:21

Á kasá ke mani hokm gón ant o esháni sará kára kant, hamá kas maná dósta dárit. Á ke maná dósta dárit, mani Pet ham áiá dósta dárit o man ham áiá dósta dárán o watá pa áiá záhera kanán.”

Yuhanná 5:23

tánke sajjahén mardom hamá dhawlá ke Petá ezzata dayant, Chokká ham ezzat bedayant. Kasé ke Chokká ezzata nadant, Petá ham ezzata nadant, chéá ke Chokkay dém dayók Pet ent.

Pa Tesálunikián Pulosay domi kágad 1:8

hamáyán sezá dant ke Hodáyá pajjáha nayárant o may Hodáwandén Issáay wasshén mestágay parmánbardáriá nakanant.

Yuhannáay Awali Kágad 4:20

Kasé ke gwashit: “Maná Hodá dóst ent” o cha wati brátá naprata kant, drógbandé, parchá ke wati brátá gendit o dóstia nadárit, gorhá Hodáyá ke nagendit che paymá dósti dáshta kant?