Mattá 25:35 - Hodáay Pákén Ketáb Balochi zobáná

³⁵ Chéá ke wahdé man shodig atán, shomá maná warag dát. Tonnig atán, maná ápó dát. Darpadar atán, maná wati lógá jágahó dát.

Mattá 25:35 ပူးပေါင်းရင်းမြစ်များ

Dányál 4:27

Oo bádsháh! Paméshká mani é sój balkén pa taw sharrén sójé bebit: nékén kár bekan ke cha wati gonáhán dur bebay o bazzagáni sará rahm kan ke cha wati radkárián berakkay. Balkén tai ábádi barjáh bemánit.”

Mattá 25:40

Bádsháh passawa dant: ‘Báwar kanét, wahdé shomá gón mani yakk kaster kasterén brátéá é paymén kár kortag, gorhá allam bezán gón manó ham kortag.’

Mattá 26:11

Garib o nézgár modám shomay kerrá hast, bale man harwahd gón shomá gón naán.

Markás 14:7

Garib o nézgár, modám shomay kerrá ant o shomá harwahd ke belóthét gón áyán néki korta kanét, bale man harwahd gón shomá gón naán.

Luká 11:41

Gorhá cha darunay chizzán hayrát bedayét tán sajjahén chizz pa shomá pák o sallah bebant.

Yuhanná 13:29

Zarr Yahudáay kerrá ér atant, paméshká lahténá gomán kort ke balkén Issá áiá gwashagá ent ke beraw o harché pa aidá pakár ent beger, yá garib o nézgárán chizzé beday.

Kásedáni Kár 10:31

gwashti: ‘Kornilius! Tai dwá o hayrát yátmánén sawgáté ke Hodáay bárgáhá yát kanaga bit.

Kásedáni Kár 11:29

Gorhá moridán shawr kort harkas wati was o twáná, pa Yahudiahay nendókén báwarmandén brátáni komakká, chizzé ráh bedant.

Kásedáni Kár 16:15

Lidiahá gón wati lógay sajjahén mardomán pákshódi kort. Pákshódiá rand, áiá dazbandi kort o gwasht: “Agan shomá maná Hodáwandén Issáay hakkén mannógeré zánét, gorhá byáét mani lógá bedárét.” Lidiahá gón wati bázén gwashagá márá mannént.

Kásedáni Kár 4:32

Sajjahén báwarmand yakdel o yakján atant, hechkasá wati mál o hasti tahná watiga nazánt o sajjahén chizzán sharikdár atant.

Pulosay kágad pa Rumián 12:13

Hodáay palgártagén mardománi hájatán purah kanagá sharikdár bebét o wati lógay darwázagá pa darámadáni mehmándáriá pach bekanét.

Pulosay kágad pa Rumián 12:20

Eshiay badalá: “Agan tai dozhmen shodig ent, waráki beday, agan tonnig ent, ápi beday, ke gón wati é kárá, áiay sará rókén jal o eshkar moccha kanay. ”

Pulosay kágad pa Rumián 16:23

Gáyus ke maná o kelisáay sajjahén mardomi wati mehmándáriay sáhegá dáshtagant shomárá salám o dróta gwashit. É shahray hazánagay kelitdár Erástus o may brát Kwártus shomárá saláma gwashant.

Pa Timutáusá Pulosay awali kágad 5:10

Á wati sharrén káráni sawabá washnámén mardomé bebit. Anchén mardomé bebit ke wati chokki sharr ródéntagant, mehmándárii kortag, palgártagénáni hezmati kortag, paréshánén mardománi komakki kortag o pa har paymén sharrén kárá modám tayár butag.

Pa Pilimuná Pulosay kágad 1:7

Mani brát! Maná tai mehráni sawabá mazanén wasshi o delbaddhié rasetag, chéá ke taw palgártagénáni del, árám o táhir dátag.

Ákub 1:27

Hamá Hodádósti ke may Hodáén Pet, pák o béaybia zánt: “Sakkiáni wahdá janózám o chórawáni dastá gerag” o “Watá cha é donyáay gandagián pák dárag” ent.