Mattá 24:6 - Hodáay Pákén Ketáb Balochi zobáná

⁶ Jangáni kukkárá eshkonét o áyáni hál o habar shomay góshána kapit bale matorsét o paréshán mabét. Allam é dhawlá bit, bale angat halásiay wahd nayátkag o pa sar narasetag.

Mattá 24:6 ပူးပေါင်းရင်းမြစ်များ

Zabur 112:7

Á cha badén hálána natorsit, deli jam ent, tawkali Hodáwanday sará ent.

Mattá 2:3

Cha é habaray eshkonagá, Hirudis bádsháh o Urshalimay sajjahén mardom báz paréshán o deltaparkah butant.

Mattá 24:14

Hodáay bádsháhiay mestágay jár, sajjahén donyáyá janaga bit, tán pa sajjahén kawmán sháhedié bebit, gorhá donyáay halási sara rasit.

Mattá 26:54

Bale gorhá Pákén Ketábáni nebeshtagén hamá habar ke báyad ent sarjam bebant, chón pa sara rasant?”

Luká 21:19

Agan pa deléri sakkián besaggét, wati sáhá rakkénét.

Luká 21:9

Wahdé shomá jang o áshópay kukkárá eshkonét, matorsét o paréshán mabét. Chéá ke awalá báyad ent é dhawlá bebit, bale halásiay wahd hamá damáná pa sara narasit.”

Luká 22:37

chéá ke é nebeshtah mani bárawá, báyad ent purah o sarjam bebit ke gwashit: Á gón gonahkárán hesáb kanag but. Haw! Á chizz ke mani bárawá nebisag butag nun sarjam bayagi ent.”

Yuhanná 14:1

Shomay del paréshán mabit. Hodáay sará imán byárét o mani sará ham imán byárét.

Yuhanná 14:27

Man shomárá émeni o ásudagia dayán. Wati émeni o ásudagiá shomárá dayán. Jaháná é wák o twán nést ke hamá émeniá shomárá bedant ke mania dayán. Matorsét o wati delá paréshán makanét.

Pa Tesálunikián Pulosay domi kágad 2:2

agan mani námay sará anchén gappé shomárá sar but ke gwashit Hodáwanday róch átkag o rasetag, toré péshgóié bebit yá hál o hawálé yá kágadé, bezánét ke drógé, damáná larzán mabét o delá dawr madayét.

Elhám 6:4

Dega aspé démá dar átk ke chó ásá sohr at. Aspswárá é zór o wák dayag but ke cha zeminay sará sohl o émeniá halás bekant ke mardom yakdomiá bekoshant. Áiá baláhén zahmé dayag but.