Mattá 24:42 - Hodáay Pákén Ketáb Balochi zobáná

⁴² Shomá nazánét ke shomay Hodáwand kojám róchá kayt. Paméshká sár o hozzhár bét.

Mattá 24:42 ပူးပေါင်းရင်းမြစ်များ

Mattá 24:36

Hechkasa nazánt ke á róch o á sáhat kadéna rasit, na ásmánay préshtaga zánant o na chokk, tahná Peta zánt o bass.

Mattá 24:43

Shomá sharra zánét, agan lógay hodábondá bezántén ke dozz shapay kojám wahd o pásá kayt, gorhá ágah butagat o dozzi wati lógá pa dozziá naeshtagat.

Mattá 24:44

Hamé paymá tayár bét, chéá ke Ensánay Chokk anchén wahdéá kayt ke shomá áiay entezár o wadárá nabét.

Mattá 25:10

Bale wahdé á thélay geragá shotagatant, sálónk átk o raset. Hamá jenekk ke tayár o járhig atant, sálónkay hamráhiá suray mehmániá shotant o mehmánjáhay darwázag band but.

Mattá 25:13

Paméshká hósh o sár bebét chéá ke shomá á róch o sáhatá heccha nazánét.

Luká 21:34

Hozzhár bét, chosh mabit ke shomay del pa neshah o malárán berawt o zenday pegr o andóh shomay delá gránbár bekant o á róch anágat shomay gotthá lóp bebit.

Luká 21:36

Paméshká harwahd hozzhár bét o dwá bekanét, tán shomárá á róchá ke chosha bit o é jáwar pa sara rasant dar rawagay wák bebit o Ensánay Chokkay bárgáhá óshtát bekanét.”

Pulosay kágad pa Rumián 13:11

Anchosh ham, shomá annugén wahdá zánét ke nun á sáhat átkag ke cha wábá pád byáét o hozzhár bebét. Chéá ke nun may rakkag cha á wahday hesábá nazzikter ent ke má awalá báwarmand butagatén.

Pa Tesálunikián Pulosay awali kágad 5:6

Gorhá byáét máshomá é degaráni dhawlá nakanén o wába nakapén, ágaha mánén o hozzhára bén.

Petrosay Awal Kágad 4:7

Donyá zutt halás bayagi ent, paméshká gón shehm o rahdáriá watá grán o sangin bedárét tán dwá kort bekanét.

Petrosay Awal Kágad 5:8

Grán o sangin o hozzhár bebét, chéá ke shomay dozhmen, Shaytán, chó shérá gorrán ent o shóházá ent ke kojá shekáré berasiti tán bederrit o éri bebárt.

Elhám 16:15

“Bechár, man dozzokáia káyán. Bahtáwar hamá ent ke ágaha mánit o wati póshákán tayára dárit tánke á jándará dar mayayt o áiay nang gendag mabit.”