Mattá 24:4 - Hodáay Pákén Ketáb Balochi zobáná

⁴ Issáyá passaw dátant: “Hozzhár bét kasé shomárá gomráh makant.

Mattá 24:4 ပူးပေါင်းရင်းမြစ်များ

Markás 13:22

Chéá ke drógén masih o drógén nabi jáha janant o nesháni o ajekkái pésha dárant. Wati sajjahén zórá janant ke gechén kortagénán ham gomráh bekanant.

Luká 21:8

Issáyá gwasht: “Hozzhár bét, kasé shomárá gomráh makant. Chéá ke bázéné pa mani námá kayt o gwashit: ‘Man hamá án’ o ‘Wahd átkag o nazzikk ent,’ bale shomá áyáni habará gón makapét.

Pa Galátián Pulosay kágad 6:3

Agan kasé watá mazana lékit bale hecché naent, á watá rad dayagá ent.

Pa Tesálunikián Pulosay domi kágad 2:3

Chó mabit kasé warhé na warhé shomárá rad bedant, Hodáwanday róch tán hamá wahdá nayayt ke mardom cha Hodáwandá sarkassh mabant o bérahbandén mard, bezán “tabáhiay chokk” páshk mabit.

Yuhannáay Awali Kágad 4:1

Oo dordánagán! Har ruhéay sará báwar makanét, ruhán ázmáesh kanét o bechakkásét ke bárén cha Hodáay némagá ant yá na? Chéá ke bázén drógén nabié donyáay chárén kondhán potertag.