Mattá 24:31 - Hodáay Pákén Ketáb Balochi zobáná

³¹ Gón karnáay borzén tawárá wati préshtagán ráha dant ke áiay gechén kortagén mardomán, cha donyáay chárén kondhán, bezán cha zeminay hand o damagán tán ásmánay goddhi marz o simsarán, mocch o yakjáh bekanant.

Mattá 24:31 ပူးပေါင်းရင်းမြစ်များ

Zabur 22:27

Zeminay chárén kondh áiá yáta kanant o dém pa Hodáwandá pera tarrant, sajjahén kawmáni hándán o kothom áiay bárgáhá sará jahla kanant.

Zabur 67:7

Hodá márá barkat bedayát tánke zeminay chár kondh áiay mazaniá sharap bedayant.

Zabur 81:3

Máhay nóká, gwarándhay kánthay tawárá borz kanét, máhay chárdahá, may pákén aidá.

Dargwaz 19:16

Chó but ke sayomi róchay sohbá grand o gerók but o kóhay sará bazén jambaré záher but o karnáay anchén trondén tawáré chest but ke ordgáhay sajjahén mardom cha torsá larzetant.

Dányál 7:2

Dányálá gwasht: “Man shapá elhám o shobén gendagá atán o man dist ke ásmánay chárén gwátán mazanén daryá mast kort.

Mattá 13:41

Ensánay Chokk, wati préshtagán ráha dant tán sajjahén badkárán o áyán ke degarán rada dayant yakjáh bekanant o cha áiay bádsháhiá dar bekanant.

Mattá 24:22

Agan á sakkiáni róch kamter kanag mabuténant, hecch mardomé narakketagat, bale pa gechén kortagénáni háterá, á róch kamter kanaga bant.

Mattá 24:24

Chéá ke drógén Masih o drógén nabi jáha janant o mazanén nesháni o ajekkái pésha dárant. Wati sajjahén zórá janant ke gechén kortagénán ham gomráh bekanant.

Mattá 24:32

Nun cha enjiray drachká dars o sabakk begerét, anchosh ke áiay thál narma bant o táka trokkant, gorhá zánét ke garmágay mósom nazzikk ent.

Mattá 25:31

Wahdé Ensánay Chokk gón wati mazanén shán o marháhá préshtagáni hamráhiá kayt, gorhá wati porshawkatén tahtay sará nendit.

Mattá 28:18

Issáyá gón áyán gwasht: “Ásmán o zeminay sajjahén zór o wák mani dastá dayag butag.

Markás 13:27

Gorhá préshtagán ráha dant o cha chárén gwátán, bezán cha zeminay hand o damagán tán ásmánay goddhi marz o simsarán, wati gechén kortagén mardomán yakjáha kant.

Luká 24:47

áiay námay sará, tawbah o gonáháni pahelli báyad pa sajjahén kawmán jár janag bebit. É káray bongéj cha Urshalimá bit.

Yuhanná 11:52

Tahná á kawmay jáhá namerit, Hodáay sajjahén sheng o shángén chokkáni jáhá merit tánke áyán yakjáh o yakráh bekant.

Pulosay kágad pa Rumián 10:18

Bale nun josta kanán: “Áyán naeshkotag?” Allam eshkotagesh, parchá ke: “Áyáni tawár sajjahén donyáyá shotag o áyáni habar jahánay goddhi marz o simsarán sar butagant.”

Pa Tesálunikián Pulosay awali kágad 4:16

Chéá ke Hodáwand wat préshtagáni sardáray tawár o Hodáay karnáay tawáray hamráhiá, hokm dayáná cha arshá éra kayt. Gorhá, awalá Masihay hamá báwarmand zendaga bant ke mortagant o

Pa Tesálunikián Pulosay domi kágad 2:1

Oo brátán! Nun, may Hodáwandén Issá Masihay áyag o áiay kerrá may mocch bayagay bárawá, má cha shomá dazbandia kanén ke

Elhám 1:20

Haptén estár ke taw mani rástén dastá distant, áyáni o haptén teláhén cherágdánáni ráz esh ent: haptén estár haptén kelisáyáni préshtag ant o haptén cherágdán haptén kelisá ant.”

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 7:1

Cha eshán o rand man chár préshtag dist. Zeminay chárén kondhán óshtátag o zeminay chárén gwátesh dáshtagatant tánke gwáté na zemin, na daryá o na drachkéay sará bekasshit.

Elhám 8:2

Padá man haptén préshtag distant ke Hodáay démá óshtátagatant. Áyán hapt karná dayag but.