Mattá 24:30 - Hodáay Pákén Ketáb Balochi zobáná

³⁰ Á wahdá, Ensánay Chokkay nesháni ásmáná paddara bit o donyáay sajjahén kawma gendant ke Ensánay Chokk, gón mazanén wák o twán o shán o shawkaté jambaráni sará kayt o paddara bit, nun gréwant o mótka kárant.

Mattá 24:30 ပူးပေါင်းရင်းမြစ်များ

Dányál 7:13

Man shapay elhámán cháragá atán ta diston, gón ásmáni jambarán ensáni chokkéay dhawléné áyagá at o hamáiay némagá pédák at ke cha zamánagán hastent o áiay démá árag o pésh kanag but.

Mattá 24:3

Hamá wahdá ke Issá Zaytunay kóhay sará neshtagat, áiay morid pa halwat o ehwaté átkant o jostesh kort: “Begwash bárén, é prosht o prósh kadéna bit o tai bádsháhiay áyag o donyáay halásiay nesháni, ché ent?”

Mattá 24:37

Hamá dhawlá ke Nuhay bárigá butag, Ensánay Chokkay áyagay róch ham anchosha bit.

Mattá 24:39

Á hecch sahig naatant tán hár o tuppán átk o sajjahén mardomi gár o hármal kortant. Ensánay Chokkay áyagay wahdá ham hamé dhawlá bit.

Mattá 26:64

Issáyá darráént: “Taw wat gwasht. Bale shomá sajjahénán hála dayán, démterá gendét ke Ensánay Chokk zóráwarén Hodáay rástén némagá neshtag. Cha ásmánay jambaráni sará ham kayt.”

Markás 13:26

Á wahdá, mardom Ensánay Chokká gendant, ke gón mazanén wák o twán o shán o shawkaté cha jambaráni nyámá kayt.

Markás 13:4

“Márá begwash, bárén, é prosht o prósh kadéna bit o eshiay nazzikk bayagay nesháni ché ent?”

Luká 21:27

Á wahdá, mardom Ensánay Chokká gendant, ke gón mazanén wák o twán o shán o shawkaté cha jambaréay nyámá kayt o paddara bit.

Luká 22:69

Bale cha annun o rand, Ensánay Chokk zóráwarén Hodáay rástén némagá nendit.”

Kásedáni Kár 1:11

Áyán gwasht: “Oo Jalili wájahán! Shomá chéá edá óshtátag o ásmánay némagá cháragá ét? Issá cha shomay nyámá chest kanag o ásmáná barag butag, bale anchosh ke shomá rawagá distag, hamé dhawlá yakk róché padá cha ásmáná pera tarrit o kayt.”

Pa Tesálunikián Pulosay domi kágad 1:7

shomá ke janjáláni ámách ét, shomárá áráma dant o márá ham. É kár hamá wahdá bit ke Hodáwandén Issá gón wati zórmandén préshtagán cha ásmáná gón jamburén áséá watá záhera kant o

Elhám 1:7

Bechár, á gón jambarán pédák ent o hamok chamm áiá gendit, hamá ham ke áiay jánesh thong thong kortag o zeminay sajjahén kawm hamáiay sawabá porsiga bant. Haw, anchosh bát. Ámin.

Elhám 12:1

Ásmáná mazanén neshánié záher but: janéné ke róch áiay póshák at, máh pádáni chérá o dwázdah estári tájé sará ati.