Mattá 23:39 - Hodáay Pákén Ketáb Balochi zobáná

³⁹ Shomárá gwashán, dega baré maná nagendét tán á wahdá ke wati zobáná begwashét: ‘Mobárak bát hamá ke pa Hodáwanday námá kayt.’”

Mattá 23:39 ပူးပေါင်းရင်းမြစ်များ

Zabur 118:26

Mobárak bát hamá ke Hodáwanday námá kayt. Cha Hodáwanday lógá shomárá barkata dayén.

Mattá 21:9

Issáay péshromb o padrombén mardom, kukkár kanáná gwashagá atant: “Hushiáná, oo Dáud bádsháhay chokk! Mobárak bát hamá ke pa Hodáwanday námá kayt, Hushiáná, borzén arshá.”

Luká 17:22

Padá gón wati moridán gwashti: “Yakk wahdé kayt ke shomá pa Ensánay Chokkay rócháni yakk róchéay gendagá armán o árzua kanét, bale á róchá nagendét.

Yuhanná 14:19

Kammén wahdéá rand, jahán dega randé maná nagendit, bale shomá maná gendét. Man zendag án, paméshká shomá ham zendaga mánét.

Yuhanná 14:9

Issáyá gwasht: “Oo Pilipos! Inchok wahd ent ke man gón shomá gón án o taw angat maná nazánay? Harkasá ke maná distag, mani Peti ham distag. Gorhá taw chóna gwashay ke Petá márá pésh bedár?

Yuhanná 8:21

Issáyá yakk baré padá gón áyán gwasht: “Mana rawán o shomá mani shóházá gardét, bale wati gonáháni tahá merét o á jáhá ke mana rawán, shomá átka nakanét.”

Yuhanná 8:24

Man paméshká shomárá gwasht ke wati gonáháni tahá merét. Agan shomá báwar makanét ke man hamá án, shomá wati gonáháni tahá merét.”

Yuhanná 8:56

Shomay pet Ebráhém, pa hamé ométá shádán at ke mani róchá gendit. Áiá dist o gal but.”

Pulosay kágad pa Rumián 11:25

Oo brátán! Chó mabit watá cha wati kadd o kesásá master bezánét. Paméshká nalóthán cha é rázá násarpad bebét ke Esráilay yakk bahréay sará sakdeli tán hamá wahdá átkag ke darkawm sarjamiá byáyant gón.