Mattá 23:37 - Hodáay Pákén Ketáb Balochi zobáná

³⁷ Urshalim, oo Urshalim! Taw paygambarána koshay o Hodáay ráh dátagénán sengsára kanay. Báz randá man lóthetag tai chokkán wati kerrá mocch o yakjáh bekanán, anchosh ke nekénkén morgé chureg o chippokán wati bál o bánzoláni chérá moccha kant, bale shomá nalóthet.

Mattá 23:37 ပူးပေါင်းရင်းမြစ်များ

Zabur 17:8

Maná chó wati chammá besambál o wati bánzoláni sáhegá chér beday,

Zabur 36:7

Oo Hodá! Tai mehr chenkadar porarzesh ent, bani ádam tai bánzoláni sáhegá panáha gipt.

Zabur 57:1

Mani sará rahm kan. Oo Hodá! Mani sará rahm kan, chiá ke mani arwáh tai mayár o báhóth ent. Tai bánzoláni sáhegá panáha zurán, tán hamá wahdá ke é baláh berawt o begwazit.

Zabur 63:7

Tai bánzoláni sáhegá tará názénán, chiá ke taw mani madatkár ay.

Zabur 91:4

Á tará gón wati poth o bálán póshénit o áiay bánzoláni chérá panáha bay, áiay wapádári espar o diwálé.

Mattá 22:3

Golámi lóthetagén mehmánáni randá ráh dátant, bale áyáni delá nalóthet byáyant.

Mattá 22:6

Á degarán áiay golám gept o sobakk o béezzat kort o koshtant.

Mattá 23:30

Chosh ham gwashét ke ‘agan má wati pet o pirokáni wahd o bárigá buténén, gorhá paygambaráni kosht o kóshá gón áyán hamráh nabutagatén.’

Mattá 23:31

É dhawlá wati bárawá sháhedia dayét o mannét hamáyáni nasl o óbádag ét ke paygambaresh koshtagant.

Mattá 5:12

Gal o washdel bebét o shádehi bekanét, chéá ke ásmáná shomay mozz sakk báz ent. Pésarigén nabiáni sará ham é dhawlén ázáresh raséntag.

Luká 15:28

Gorhá, masterén brát sakk zahr gept o nalótheti lógá berawt. Bale pet dhanná átk o áiay wasshán kanagá mennatwár but.

Pa Tesálunikián Pulosay awali kágad 2:15

hamá Yahudián ke Hodáwandén Issá o paygambar koshtant o márá ham ázár dát. Á, Hodáyá nárazá kanant o harkasay dozhmen ant.

Elhám 17:6

Nun man dist ke janén cha Hodáay palgártagénáni o Issáay sháhedáni hónay nóshagá neshah o malár at. Man ke dist, sakk hayrán o habakkah mantán.