Mattá 23:18 - Hodáay Pákén Ketáb Balochi zobáná

¹⁸ Shomá chosh ham gwashét ke ‘agan kasé korbánjáhay sawgendá bwárt hecch parwáh nést, bale agan kasé korbánjáhay korbánigay sawgendá bwárt, gorhá báyad ent wati sawgendá purah bekant.’

Mattá 23:18 ပူးပေါင်းရင်းမြစ်များ

Mattá 23:16

Oo kórén rahshónán! Bazhn o apsóz pa shomá ke mardomán sója dayét: ‘Agan kasé mazanén parasteshgáhay sawgendá bwárt parwáh nést, bale agan yakké parasteshgáhay teláh o tangawáni sawgendá bwárt, gorhá báyad ent wati sawgendá purah bekant.’

Mattá 23:17

Oo kamzántén kórán! Kojám chizzay darajat borzter ent, tangaw o teláháni yá parasteshgáhay? Teláh o tangaw, paméshká pák o palgár ant ke parasteshgáhá ér ant.

Mattá 23:19

Oo kórén mardomán! Kojám chizzay darajat borzter ent, korbánigay yá korbánjáhay? Korbánig paméshká pák o palgár zánaga bit ke korbánjáhá korbánig kanaga bit.

Markás 7:11

Bale shomá mardomán chosh sója dayét ke yakké wati pet o mátá komakk makant o begwashit: ‘Pahell kanét, á komakk ke man báyad ent shomárá bedátén, Hodáay ráhá korbánig kortag.’

Pa Galátián Pulosay kágad 5:3

Á mardom ke wati sonnat kanaga kellit, man pa deljami gón áiá gwashán ke pa taw allam ent ke sajjahén Sharyatá bedáray.