Mattá 22:24 - Hodáay Pákén Ketáb Balochi zobáná

²⁴ “Oo ostád! Mussáyá gwashtag: ‘Agan kasé bé poshpadá bemerit, báyad ent áiay brát gón áiay janózámá sur bekant, tán pa wati brátá rand o ráhé bellit.’

Mattá 22:24 ပူးပေါင်းရင်းမြစ်များ

Pédáesh 38:11

Gorhá Yahudáyá gón wati neshár Támárá gwasht: “Tánke mani chokk Shélá kasán ent, wati petay lógá janózámi benend.” Áiá wati delá hayál kort: “Chosh mabit ke Shélá ham wati brátáni paymá bemerit.” Gorhá Támár shot o wati petay lógá nesht.

Pédáesh 38:8

Gorhá Yahudáyá gón Ónáná gwasht: “Wati brátay janózámá beger o gón áiá yakjáh bay. Wati bráti parzá purah kan o pa wati brátá padréché pédá kan,”

Mattá 22:16

Nun lahtén shágerdesh gón Hirudiáni hamráhiá áiay kerrá rawán dát tán begwashant: “Oo ostád! Má zánén ke taw tachk o rástén mardomé ay o Hodáay ráhá pa rástiá sója dayay o hechkaséay némagá nageray, chéá ke sajjahénán pa yakk chamméá cháray.

Mattá 22:25

May némagá hapt brát hastat. Awali brátá sur kort, bé chokká mort o wati jani pa á dega brátá esht.

Mattá 22:36

“Oo ostád! Sharyatay masterén hokm kojám ent?”

Mattá 7:21

Hamá ke maná ‘Hodáwand, Hodáwanda’ gwashant, pa á sajjahénán ásmáni bádsháhiay darwázag pacha nabit, tahná hamá shota kant ke mani ásmáni Petay wáhag o razáay sará kára kant.

Luká 20:28

jostesh kort: “Oo ostád! Mussáyá pa má nebeshtag: Agan kaséay sur kortagén bráté bé chokká bemerit o janózámi zendag bebit, gorhá áiay brát báyad ent gón á janózámá sur bekant tánke chokk o rand o ráhé pa wati brátá bellit.

Luká 20:33

Nun taw begwash, áheratay róchá, é janén, kojám brátayga bit, chéá ke har haptén brátán bárig bárigá gón áiá sur kortagat.”

Luká 6:46

Wahdé shomá mani habaráni sará kára nakanét, gorhá chéá maná ‘Hodáwand, Hodáwanda’ gwashét?