Mattá 22:16 - Hodáay Pákén Ketáb Balochi zobáná

¹⁶ Nun lahtén shágerdesh gón Hirudiáni hamráhiá áiay kerrá rawán dát tán begwashant: “Oo ostád! Má zánén ke taw tachk o rástén mardomé ay o Hodáay ráhá pa rástiá sója dayay o hechkaséay némagá nageray, chéá ke sajjahénán pa yakk chamméá cháray.

Mattá 22:16 ပူးပေါင်းရင်းမြစ်များ

Zabur 12:2

Harkas gón hamsáhegá dróga bandit, cháplusén dapesh pa préb habara kanant.

Zabur 5:9

Chiá ke rásti áyáni zobáná nést o del o darunesh tabáhi ent o bass. Gotth o galuesh práhén kabré o wati zobáná pa cháplusi kára bandant.

Zabur 55:21

Zobáni chó thélá charp at bale deli jangig, dapay habari cha rógená narmter, bale kasshetagén zahm atant.

Mattá 22:24

“Oo ostád! Mussáyá gwashtag: ‘Agan kasé bé poshpadá bemerit, báyad ent áiay brát gón áiay janózámá sur bekant, tán pa wati brátá rand o ráhé bellit.’

Mattá 22:26

Padá gón domi o sayomi tán haptomiá anchosh but.

Mattá 26:18

Áiá passaw dát: “Shahrá berawét o pelán mardomá begwashét ke ‘ostáda gwashit, mani wahd nazzikk ent, mani dela lóthit gón wati moridán Sargwazay shámá tai lógá bwarán.’”

Mattá 26:49

Gorhá Yahudá tachkátachk Issáay kerrá átk o gwashti: “Oo ostád! Salám o drót!” Randá Issái chokket.

Markás 10:17

Wahdé Issáyá wati ráh gept o shot, yakk mardé tacháná átk, kóndhán kapt o josti kort: “Oo nékén ostád! Man chón bekanán ke namiránén zenday wáhond bebán?”

Markás 12:13

Randá, áyán lahtén Parisi o Hirudi Issáay kerrá rawán dát tán áiá cha áiay jenday habarán mán begisshénant.

Markás 12:14

Nun átk o jostesh kort: Oo ostád! Má zánén ke taw tachk o rástén mardomé ay o harché gwashay pa rástiá gwashay o hechkaséay némagá nageray, chéá ke sajjahénán pa yakk chamméá cháray o gón rásti o delsetki Hodáay ráhá sója dayay. Bárén, Rumay bádsháh Kaysará, song o máliát dayag rawá ent yá na? Má áiá máliát bedayén yá madayén?

Markás 3:6

Gorhá Parisi dhanná shotant o pa Issáay kóshárénagá gón Hirudián shawr o saláhesh bongéj kort.

Markás 8:15

Issáyá hokm kort o gwashtant: “Hozzhár bét! Cha Parisi o Hirudis bádsháhay homirá pahréz kanét.”

Luká 20:21

Áyán jost kort: “Oo ostád! Má zánén taw harché ke gwashay, har tálimé ke dayay, á sajjahén rást ant o hechkaséay némagá nageray o pa rásti Hodáay ráhá sója dayay.

Luká 7:40

Issáyá gwasht: “Oo Shamun! Maná gón taw yakk habaré gwashagi ent.” Áiá gwasht: “Ji ostád, begwash!”

Yuhanná 14:6

Issáyá gwasht: “Ráh man án, rásti man án o zend bakshók ham man án. Kass Petay kerrá sar buta nakant, agan mani ráhá marawt.

Yuhanná 18:37

Pilátusá gwasht: “Acha, taw bádsháhé ay?” Issáyá gwasht: “Taw wat maná bádsháhé gwashagá ay. Man pédá butag o donyáyá átkagán ke pa rástiá gwáhi bedayán. Harkasá ke rásti dósta bit, mani habarán gósha dárit.”

Yuhanná 7:18

Harkas ke cha wat habara kant, pa wati mazaniay pésh dáragá habara kant. Bale á kas ke wati dém dayókay shán o shawkatay lóthóka bit, tachkén mardomé o áiay hecch chizz nárást naent.

Pa Galátián Pulosay kágad 1:10

Annun man mardománi washnódiá lóthagá án yá Hodáay? Man mardománi wassh kanagay johdá naán. Agan man angat mardománi wassh kanagay johdá buténán, Masihay hezmatkáré naatán.

Pa Galátián Pulosay kágad 2:6

Á ke kelisáay tahá sarók zánaga butant, áyán mani tálimáni tahá hecch chizz gésh nakort. Chónáhá ham mani kerrá é gappá hecch arzesh néstat ke á chinchok námdár ant, chéá ke Hodá ru o ryá nakant.

Pa Tesálunikián Pulosay awali kágad 2:4

Wasshén mestágay járá paméshká janagá én ke Hodáyá márá chakkásetag o distagi ke má é káray láhek én. Má mardománi wassh kanagay johdá naén, Hodáay wassh kanagay johdá én, hamá Hodá ke may delána chakkásit.

Ákub 3:17

Bale á hekmat ke cha borzá kayt, awalá ke pák o palgár ent, randá sohl árók o narm, mannók o cha néki o rahmatay bar o samará porr ent, cha park o pér o dorui o dopóstiá ham dur ent.

Yuhannáay Awali Kágad 5:20

É chizzá ham zánén ke Hodáay Chokk átkag o márá é póh o zánti dátag ke á “Rásténá” bezánén. Má hamá “Rásténay” arwáh o jabiná én, áiay Chokk Issá Masihay arwáh o jabiná. Rástén Hodá o namiránén zend, hamá ent.