Mattá 21:12 - Hodáay Pákén Ketáb Balochi zobáná

¹² Issá mazanén parasteshgáhay péshgáhá shot o ódá sawdáger o grákáni gallénag o dar kanagá goláésh but. Zarr badal kanókén sarrápáni thébali chappi kortant o kapót bahá kanókáni korsi o tahtagi dawr dátant.

Mattá 21:12 ပူးပေါင်းရင်းမြစ်များ

Dargwaz 30:13

Hamá mardom ke námesh nebisaga bant, ném shekel bedayant, pákén jágahay shekelay hesábá ke shekelé bist géráh ent. É ném shekel pa Hodáwandá shogránahé.

Markás 11:11

Gorhá Issá Urshalimá átk o mazanén parasteshgáhá shot. Ódá, áiá parasteshgáhay chárén kondháni har chizz cháret. Bale béwahd at, paméshká gón wati dwázdahén moridán Bayt-Anyáyá shot.

Luká 2:24

Pa korbánig kanagá ham átkant, tán hamá dhawlá ke Hodáwanday Sharyata gwashit, “jopté shántol yá do kasánén kapót” hayrát bekanant.

Yuhanná 2:13

Yahudiáni Pesah, bezán Sargwazay Aid, nazzikk at. Paméshká, Issá Urshalimá shot.