Mattá 21:10 - Hodáay Pákén Ketáb Balochi zobáná

¹⁰ Wahdé Issá Urshalimá raset gorhá shór o walwalahé macchet. Shahray mardom jostá atant ke “É kay ent?”

Mattá 21:10 ပူးပေါင်းရင်းမြစ်များ

Mattá 2:3

Cha é habaray eshkonagá, Hirudis bádsháh o Urshalimay sajjahén mardom báz paréshán o deltaparkah butant.

Mattá 21:11

Mocchiay mardomán passaw dát: “É hamá nabi ent, Issá ke Jalilay shahr Náserahay nendóké.”

Mattá 21:9

Issáay péshromb o padrombén mardom, kukkár kanáná gwashagá atant: “Hushiáná, oo Dáud bádsháhay chokk! Mobárak bát hamá ke pa Hodáwanday námá kayt, Hushiáná, borzén arshá.”

Luká 20:2

gwashtesh: “Márá begwash ke taw gón kojám hakk o ehtiárá é kárána kanay? Kayá tará é káráni ehtiár dátag?”

Luká 5:21

Cha Issáay é habará, Parisi o Sharyatay é dega zánóger, ke ódá neshtagatant, pegr kanagá atant: “É kay ent ke kopra kant?! Abéd cha Hodáay jendá, dega kass gonáhán pahell kort o baksheta nakant.”

Luká 7:49

Bale é dega mehmán gón yakdegará gwashagá laggetant: “É kay ent ke mardománi gonáhán ham pahella kant?”

Luká 9:9

Gorhá Hirudisá gwasht: “Yahyáay sar wa man borretag, nun é kay ent ke áiay bárawá man é dhawlén hál eshkonagá án?” Á pa Issáay gendagá hodónák at.

Yuhanná 2:18

Gorhá Yahudián gwasht: “Taw gón chónén mójezah o ajabbatén neshánié sábeta kanay ke tará é káráni ejázat hastent?”

Kásedáni Kár 9:5

Sháulá jost kort: “Oo wájah! Taw kay ay?” Passawi dát: “Man Issá án, hamá ke taw áiá ázára dayay.