Mattá 20:34 - Hodáay Pákén Ketáb Balochi zobáná

³⁴ Issáyá áyáni sará bazzag but, dasti chammán per moshtant o hamá damáná biná butant o Issáay randá gón kapt o shotant.

Mattá 20:34 ပူးပေါင်းရင်းမြစ်များ

Zabur 119:67

Bazzag bayagá pésar, cha rástén ráhá thagal warán atán, bale nun tai habaray randgir án.

Zabur 119:71

Sharr but ke sakki o sóriáni tahá kaptán ke tai hokmán dar bort bekanán.

Zabur 145:8

Hodáwand mehrabán o rahm kanók ent, hezhm geragá déra kant o mehri báz ent.

Mattá 14:14

Issá ke cha bójigá ér kapt o mardománi mazanén mocchii dist, áyáni sará bazzagi but o sajjahén nádráhi dráh kortant.

Mattá 15:32

Issáyá wati morid lóthet o gwashtant: “Maná é mardománi sará bazzaga bit, say róch ent mani kerrá ant o nun pa waragá hecchesh nést. Gón shodigén lápá eshán roksat kanaga nalóthán, chó mabit ke ráhá betosant o bekapant.”

Mattá 20:33

Áyán passaw dát: “Oo Hodáwand! May chammán rozhná kan.”

Mattá 21:1

Wahdé Urshalimay nazzikká átkant o Zaytunay kóhay dámoná Bayt-Pájiay métagá rasetant, Issáyá do morid rawán dát o

Mattá 8:15

Issáyá wati dast áiay dastay sará per mosht, tapi sest, á pád átk o Issáay hezmat kanagá lagget.

Mattá 9:29

Gorhá Issáyá wati dast áyáni chammáni sará per mosht o gwashti: “Hamá dhawlá ke shomá báwar kortag, gón shomá hamá dhawlá bebit.”

Mattá 9:36

Áiá ke mardománi mocchi distant áyáni sará bazzagi but, chéá ke á béshepánkén pasáni dhawlá, paréshán o béwas atant.

Markás 7:33

Issáyá á mard cha mardománi mocchiá yakk kerré bort o lankoki áiay góshán mán kortant. Randá áiay zobánay sará lebzi per mosht.

Luká 18:43

Hamá damáná kór biná but, Hodáyá sepat o saná kanán, Issáay hamráhiá rahádag but. Mardomán ke chosh dist, áyán ham Hodáay shogr gept.

Luká 22:51

Bale Issáyá gwasht: “Bass ent! Dast bedárét!” Áiay góshá dasti per mosht o dráhi kort.

Luká 7:13

Wahdé Hodáwandén Issáyá á janózám dist, áiay sará sakk bazzagi but o gwashti: “Magréw.”

Kásedáni Kár 26:18

Tará paméshká áyáni kerrá ráha dayán, tán chammánesh pach bekanay. Á cha taháriá rozhnáiay némagá byáyant o cha Shaytánay porzórén dastá dém pa Hodáay ráhá betarrant, tán gonáhesh pahell kanag bebant o gón hamá mardomán sharikdár bebant ke cha mani saray báwarmandiá pák o palgár butagant.’

Petrosay Awal Kágad 3:8

Néth, shomá sajjahén yakdel o hamdard bebét, gón yakdomiá mehr bekanét, narmdel o békebr bebét.