Mattá 20:28 - Hodáay Pákén Ketáb Balochi zobáná

²⁸ Hamé dhawlá, Ensánay Chokk nayátkag ke mardom áiay hezmatá bekanant, átkag ke mardománi hezmatá bekant o gón wati sáhay dayagá, bázénéá berakkénit.”

Mattá 20:28 ပူးပေါင်းရင်းမြစ်များ

Zabur 49:7

Saddak án ke hechkas wati brátay zendá móketa nakant o áiay hónbaháyá Hodáyá dáta nakant.

Mattá 20:27

cha shomá harkas ke masteria lóthit, shomay kaster o dazbój bebit.

Mattá 26:28

É mani ahd o karáray hón ent, ke pa bázénéay gonáháni bakshagá réchaga bit.

Mattá 8:20

Issáyá gwasht: “Róbáhán hóndh o jágah hast o báli morgán kodóh o kodám, bale maná ke Ensánay Chokk án pa saray ér kanagá hecch jágah nést.”

Markás 10:45

Hamé dhawlá, Ensánay Chokk nayátkag ke mardom áiay hezmatá bekanant, átkag ke mardománi hezmatá bekant o gón wati sáhay dayagá, bázénéá berakkénit.”

Markás 14:24

Nun gwashti: “É mani nókén ahd o karáray hón ent ke pa bázénéá réchaga bit.

Luká 22:27

Bárén, kay master ent? Hamá ke neshtag o waragá ent, yá hamá ke hezmat kanagá ent? Albat, hamá ke neshtag o waragá ent. Bale man shomay nyámá, hezmatkáréay dhawlá án.

Yuhanná 10:15

hamá dhawlá ke Pet maná zánt o man Petá zánán. Man wati sáhá pa pasán nadra kanán.

Pulosay kágad pa Rumián 4:25

Issá pa may gonáhán, markay dastá dayag but o pa may pák o palgár kanagá, cha mordagán jáh janáénag but.

Pa Galátián Pulosay kágad 3:13

Hamá nálat ke may sará at Masihá wati sará zort o é dhawlá márá cha Sharyatay nálatá móketi, chéá ke nebeshtah ent: “Harkas ke dáray sará dranjag but, nálatié.”

Pa Timutáusá Pulosay awali kágad 2:6

Áiá pa sajjahén mardománi mókagá watá nadr kort. É gappay sháhedi wati wahdá dayag but.

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Petrosay Awal Kágad 2:24

Áiá wat may gonáháni bár salibay sará wati baddhá laddhet, tánke gonáh cha may delá bemerit o pa néki o páki zend begwázénén, ke shomá cha hamáiay thapp o thórán dráh butagét.

Petrosay Awal Kágad 3:18

Masihá ham yakk baré pa may gonáhán sakki sagget, bezán á “Nék o Páká” pa gonahkárán wati ján nadr kort tán márá pa Hodáyá sar bekant. Masih jesmi koshag but bale Ruhá zendag kort.

Yuhannáay Awali Kágad 2:2

Á may gonáháni shódókén korbánig ent, tahná may na, sajjahén jahánay gonáháni korbánig ent.