Mattá 20:21 - Hodáay Pákén Ketáb Balochi zobáná

²¹ Issáyá cha áiá jost kort: “Begwash, ché lóthay?” Gwashti: “Wahdé tai bádsháhia kayt, labz kan ke mani doén chokkán gón wata nendárénay, yakkéá wati rástén o domiá chappén némagá.”

Mattá 20:21 ပူးပေါင်းရင်းမြစ်များ

Zabur 110:1

É Hodáwanday paygám ent pa mani Hodáwandá: “Mani rástén némagá benend tán hamá wahdá ke tai dozhmenán tai pádáni chéray padag o chárchóbahé bekanán.”

Zabur 45:9

Bádsháháni jenek tai gránázén mehmán ant, tai rástén némagá, malakah gón Opiray teláháni singárá óshtátag.

Mattá 18:1

Hamá wahdá morid Issáay kerrá átkant o jostesh kort: “Bárén, ásmáni bádsháhiá sajjahénáni master o kamásh kay ent?”

Mattá 19:28

Issáyá gón áyán gwasht: “Shomárá rásténa gwashán, hamá nókén donyáyá wahdé Ensánay Chokk wati shán o shawkatay tahtay sará nendit, shomá ke mani hamráh ét, dwázdah tahtay sará nendét o Bani Esráilay dwázdahén kabilaháni dádrasiá kanét.

Mattá 20:22

Issáyá passaw dát: “Shomá nazánét ché lóthagá ét. Bárén, á jámá ke mana nóshán shomá nósheta kanét?” Gwashtesh: “Ji haw, má wártia kanén.”

Mattá 20:32

Issá óshtát o josti kort: “Shomá cha man ché lóthét? Pa shomá ché bekanán?”

Markás 10:51

Issáyá jost kort: “Ché lóthay? Man pa taw ché bekanán?” Gwashti: “Oo ostád! Mana lóthán ke dobar begendán.”

Markás 16:19

Anchosh ke Hodáwandén Issáyá gón áyán wati habar halás kortant, ásmáná barag but o Hodáay rástén némagá nesht.

Markás 6:22

Hamá wahdá, Hirudiáay jenekk majlesá átk, nách o sohbati gept o Hirudis o áiay mehmáni washdel kortant. Bádsháhá cha galá gón jenekká gwasht: “Harché tai dela lóthit begwash, man tará dayán.”

Luká 18:41

“Taw cha man ché lóthay? Pa taw ché bekanán?” Áiá passaw dát: “Oo Hodáwand! Mana lóthán ke dobar begendán.”

Luká 19:11

Hamá wahdá ke mardom Issáay habarán gósh dáragá atant, Issáyá gésh kanán mesálé áwort. Chéá ke á Urshalimay nazzikká rasetagat o mardománi gomán esh at ke Hodáay bádsháhi hamá wahdá paddara bit.

Luká 22:24

Moridáni nyámá arh o dáwáé pád átk ke “Bárén, may nyámá sajjahénáni master o kamásh kay ent?”

Yuhanná 15:7

Agan shomá mani del o daruná bemánét o mani habar shomay delá bemánant, harché ke lóthét belóthét, shomárá rasit.

Kásedáni Kár 1:6

Wahdé morid Issáay kerrá mocch butant, cha áiá jostesh kort: “Oo Hodáwand! Bárén á wahd hamesh ent ke taw bádsháhiá padá pa Esráilá pera tarrénay?”

Pulosay kágad pa Rumián 12:10

Gón bráti mehré, yakdegará dóst bedárét, pa sharap o ezzat kanagá cha yakdomiá démáter bebét.

Pulosay kágad pa Rumián 8:34

Kay mayárbáriay hokmá borreta kant? Issá Masih, hamá ent ke mort o, haw, cha mordagán jáh janáénag but, hamá ke Hodáay rástén kashá ent o áiay dargáhá pa má nyámjigeria kant.