Mattá 2:11 - Hodáay Pákén Ketáb Balochi zobáná

¹¹ Lógá shotant o nonnokesh áiay mát Maryamay gwarán dist. Gorhá kóndhán kaptant o chokkesh parastesh kort, wati tohpah o thékiáni hokkah o zabáddánesh pach kortant o sohr o sóchoki o morresh pa nonnoká sawgát kortant.

Mattá 2:11 ပူးပေါင်းရင်းမြစ်များ

Pédáesh 43:11

Gorhá áyáni pet Esráilá gwasht: “Agan allami ent, gorhá chosh kanét ke cha molkay sharterén chizzán lahtén wati pélekán kanét o pa á mardá théki barét gón. Kammé bám, kammé bénag, sosorr o pestah o bádám o washbó barét gón.

Zabur 2:12

Chokká bechokkét chó mabit ke zahr begipt o shomá ráhay némá gár o bégwáh bebét, chiá ke á anágat bránza gipt. Bahtáwar hamá ant ke áiay mayár o báhótha bant.

Zabur 45:8

Sajjahén jámaget gón morr o aud o tójá moshtag o washbó butagant. Ájén kasráni tahá simmi sázáni zémel tará shádána kanant.

Zabur 72:10

Tarshish o tayábgwaráni sardhagáray bádsháh hamáiá song o máliát bedayátant, Shébá o Sabáay bádsháh pa áiá théki byárátant.

Zabur 72:15

Omri báz bát, Sabáay teláh áiay peshkash bátant. Mardom modám áiay dwágó bátant o sajjahén róchá pa áiá barkat belóthátant.

Zabur 95:6

Byáét, sará jahla kanén o sojdaha kanén, wati addh kanókén Hodáwanday bárgáhá kóndhána kapén,

Dargwaz 30:23

“É sharterén washbóán bezur: panch sad shekel ápén morr, morráni némay kesásá bezán do sad o panjáh shekelay kesásá washbóén dárchini, do sad o panjáh shekel washbóén kándhél,

Dargwaz 30:34

Hodáwandá gón Mussáyá gwasht: “É chizzán bezur o hawár kan: drachki shirag, sadap, galbanum o zagrén konderk, sajjahénáni kacch o kesás yakk bebit.

Mattá 1:18

Issá Masihay pédáesh é dhawlá at: Issáay mát Maryam, Issopá sáng kortagat bale cha áyáni sur o árósá pésar, zántesh ke cha Hodáay Pákén Ruhá, áiay láp porr butag.

Mattá 12:46

Issá angat gón mardomán habará at ke áiay mát o brát átk o dhanná óshtátant. Áyán gón Issáyá habar kanagi at.

Mattá 14:33

Hamá ke bójigá neshtagatant, Issáesh satá o saná kanáná gwasht: “Béshakk taw Hodáay Chokk ay.”

Mattá 2:10

Cha é estáray gendagá, sakk báz washdel butant.

Mattá 2:2

Jostesh gept: “Hamá nonnok ke pa Yahudiáni bádsháhiá pédá butag, kojá ent? Má áiay estár dar áyagá distag o pa áiay parastesh kanagá átkagén.”

Luká 2:16

Gorhá á, pa eshtápi ráh gept o hamódá shotant, Issop o Maryamesh dar gétkant o nonnokesh kahdánay tahá dist.

Luká 2:38

Á ham, hamá sáhatá áyáni kerrá átk, Hodáay shogri gept o gón hamá sajjahén mardomán ke Urshalimay rakkénagay rahchár atant, gwashti: “É chokk hamá rakkénók ent.”

Yuhanná 19:39

Nikudimus, hamá ke pésará shapé Issáay gendagá shotagat, átk o gón wat lahtén hór o hawárén morr o aud o karzarwáhi áwort ke si kiluay kesásá atant.

Elhám 19:10

Nun man áiay pádáni démá sojdah kanagá kaptán, bale maná gwashti: “Chó makan, man ham tai o tai brátáni dhawlén hezmatkáré án ke Issáay sháhediá dayant. Hodáyá parastesh kan. Issáay bárawá sháhedi dayag paygambariay jawhar ent.”

Elhám 5:8

Wahdé tumári zort chárén sahdár o bist o chárén kamásh Gwarándhay démá kaptant, har yakkéá changé dastá at o teláhén darpesh gón at ke sóchokiá porr atant. É Hodáay palgártagén mardománi dwá atant.