Mattá 19:23 - Hodáay Pákén Ketáb Balochi zobáná

²³ Issáyá gón moridán gwasht: “Shomárá rásténa gwashán, pa hazgár o máldárén mardomán ásmáni bádsháhiá pád ér kanag sakk grán ent.

Mattá 19:23 ပူးပေါင်းရင်းမြစ်များ

Mattá 13:22

Á tohm ke shezz o dhangaráni tahá retkant, hamá mardomay mesál ent ke Hodáay habará gósha dárit, bale donyái parésháni o mál o zarray hers o jópah, áiá rada dayant o naylant Hodáay habar sabz betarrit o bar o barward bedant.

Mattá 18:3

gwashti: “Shomárá rásténa gwashán, agan shomá watá badal makanét o kasánén chokkáni paymá mabét, hechbar ásmáni bádsháhiá pád ér korta nakanét.

Mattá 19:22

Anchosh ke warnáyá é habar eshkot, báz gamig o paréshán but o shot, chéá ke á sér o hazgárén mardé at.

Mattá 21:31

Cha é doénán kojám bacchá wati petay habar zort?” Áyán passaw dát: “Awaligá.” Issáyá gón áyán gwasht: “Báwar kanét, songi o máliátgir o badkárén janén cha shomá pésar Hodáay bádsháhiá rawant.

Mattá 5:20

Paméshká shomárá gwashán, agan shomay pahrézkári o sharkerdi cha Parisi o Sharyatay zánógeráni kerdá géshter mabit, hechbar ásmáni bádsháhiay darwázagá poterta nakanét.

Markás 10:23

Issáyá chárén némagán cháret o gón wati moridán gwashti: “Pa máldárén mardomán, Hodáay bádsháhiá pád ér kanag sakk grán ent.”

Luká 18:24

Issáyá á mard cháret o gwashti: “Pa hazgár o máldárén mardomán Hodáay bádsháhiá pád ér kanag sakk grán ent.

Yuhanná 3:3

Issáyá áiay passawá gwasht: “Tará rásténa gwashán, tán kasé dobar pédá mabit, Hodáay bádsháhiá dista nakant.”

Yuhanná 3:5

Issáyá passaw dát: “Tará rásténa gwashán, tánke kasé cha áp o Ruhá pédá mabit, Hodáay bádsháhiá pád ér korta nakant.

Kásedáni Kár 14:22

Moridesh sar o sój kort o delbaddhi dátant ke wati báwará mohr bedárant. Gwashtesh: “Má, gón bázén sakki o sóriáni saggagá Hodáay bádsháhiá shota kanén.”

Ákub 2:6

Bale shomá nézgáráni béezzati kortag. É hastómand naant ke shomay sará setama kanant o shomárá gerrénant o hakdiwánána barant?