Mattá 18:10 - Hodáay Pákén Ketáb Balochi zobáná

¹⁰ Hozzhár bét. Cha é kasánénán yakkéá ham kamarzesh mazánét o ér majanét. Man shomárá gwashán ke ásmáná esháni préshtag, modám mani ásmáni Petay chehragá gendant.

Mattá 18:10 ပူးပေါင်းရင်းမြစ်များ

Zabur 15:4

hamá ke badkár áiay chammán hakir o béarzesh bebant, Hodátorsán ezzat o hormat bedant o wati labzay sará wapá bekant, toré zalar o zyán begendit,

Zabur 17:15

Bale man pa pahrézkári tai démá gendán, ágáh ke bán, cha tai gendagá séra bán.

Zabur 34:7

Hodáwanday préshtag Hodátorsáni chapp o chágerdá pallé bandit o áyán nejáta dant.

Zabur 91:11

Tai bárawá préshtagán hokma kant ke tai sajjahén ráhán, tai negahpániá bekanant.

Mattá 1:20

É bárawá angat pegr kanagá at ke áiay wábá anágat Hodáwanday préshtagé átk o gwashti: “Issop, oo Dáud bádsháhay chokk! Cha wati deshtár Maryamay zurag o lógá baragá mators, chéá ke áiá é lápporri, cha Pákén Ruhá rasetag.

Mattá 12:20

na ke nezór o nawahkén kalam o káshá próshit o na mermeránkén cherágá koshit, tán hamá wahdá ke ensáp o dádrasiá sóbén o kámyáb bekant.

Mattá 18:14

Hamé paymá, shomay ásmáni pet cha é kasánénán yakkéay gár bayagá ham razá nabit.

Mattá 18:6

Harkas, cha é kasánokénán ke mani sará báwarmand ant yakkéá dém pa gonáhá bebárt, pa áiá gehter ent ke jenteri táé áiay gardená bebandant o daryáay johlánkián chagal bedayant.

Mattá 2:13

Nojumiáni per tarragá rand, Hodáwanday préshtagé Issopay wábá átk o gwashti: “Chokk o chokkay mátá bezur o Mesrá betach, tán man tará nagwashán hamódá bedár, chéá ke Hirudis chokkay dar géjag o koshagá delmánag ent.”

Mattá 2:19

Hirudisay marká rand, Mesrá Hodáwanday préshtagé Issopay wábá átk.

Mattá 24:31

Gón karnáay borzén tawárá wati préshtagán ráha dant ke áiay gechén kortagén mardomán, cha donyáay chárén kondhán, bezán cha zeminay hand o damagán tán ásmánay goddhi marz o simsarán, mocch o yakjáh bekanant.

Luká 1:19

Préshtagá passaw dát: “Man Jebráil án o Hodáay bárgáhá óshtók án. Annun rawán dayag butagán, gón taw habar bekanán o tará é mestágá bedayán.

Luká 10:16

Agan kasé shomay habarán gósh bedárit, á mani habarán ham gósha dárit. Harkas shomárá mamannit, á maná ham namannit o mani namannók áiá ham namannit ke maná ráhi dátag.”

Luká 16:22

Wahdé á garib mort, préshtagán á zort o Ebráhémay kerrá bort. Hazgárén mard ham mort o mardomán kabr o kapan kort.

Kásedáni Kár 10:3

Yakk róché némróchá rand, kesás sáhat sayá, Hodáay préshtagé pa shobén o elhámi dist ke nazzikk átk o gwashti: “Oo Kornilius!”

Kásedáni Kár 12:15

Áyán gón Ródáyá gwasht: “Taw ganók butagay.” Bale á wati gappay sará óshtátagat o gwashagá at ke “Á pa del Petros ent.” Gorhá áyán gwasht: “Zalur áiay préshtag ent.”

Kásedáni Kár 12:23

Hamá damáná, Hodáwanday préshtagéá á jat, chéá ke áiá Hodá satá nakortagat. Jesmi kerm gept o mort.

Kásedáni Kár 27:23

É habará, man paméshká zánán ke dóshi cha hamá Hodáay némagá ke man áiayg án o áiay hezmatkár án, préshtagé átk, mani kashá óshtát o

Kásedáni Kár 5:19

Bale shapá yakk wahdé, Hodáwanday préshtagéá bandijáhay darwázag pach kortant o á cha jélá dar áwortant o gwashti:

Pulosay kágad pa Rumián 14:10

Nun taw chéá wati brátá éra janay? Pa ché áiá kamarzesha zánay? Chéá ke hesábay róchá má sajjahén Hodáay bárgáhá óshtén.

Pulosay kágad pa Rumián 14:21

Sharter ent ke cha gósht, sharáb yá dega har chizzá pahréz bekanay ke tai brátay thagal waragay sawabsáza bit.

Pulosay kágad pa Rumián 15:1

Má ke zórmand én, báyad ent nezórén báwarmandáni kamzórián wati baddhá bezurén o bass wati jenday wasshiáni randá mabén.

Pa Galátián Pulosay kágad 6:1

Brátán! Agan shomá sahig butét ke kasé gonáhay tahá kaptag, shomá ke Pákén Ruhay hesábá zenda gwázénét, áiá pa narmi padá rástén ráhá byárét. Bale wati delgóshá bedárét ke wat chakkáséá makapét.

Pa Tesálunikián Pulosay awali kágad 4:8

Paméshká harkas ke é sójá nazurit, á ensánéay náparmániá kanagá naent, Hodáay náparmániá kanagá ent, hamá Hodá ke shomárá wati Pákén Ruhá dant.

Pa Timutáusá Pulosay awali kágad 4:12

Tai kasánomriay sawabá kass tará kamarzesh sarpad mabit o tai goptár o kerdár o mehr o imán o páki pa báwarmandán mesálé bebant.

Elhám 8:2

Padá man haptén préshtag distant ke Hodáay démá óshtátagatant. Áyán hapt karná dayag but.