Mattá 17:4 - Hodáay Pákén Ketáb Balochi zobáná

⁴ Petrosá gón Issáyá gwasht: “Oo Hodáwand! May edá bayag sakk sharr ent, agan tai razá bebit hamedá say sáheg o kápára bandén, yakké pa taw, yakké pa Mussá o degaré pa Elyásá.”

Mattá 17:4 ပူးပေါင်းရင်းမြစ်များ

Zabur 16:11

Taw maná zenday ráhá sója dayay o wati bárgáhá maná cha shádmániá sarrécha kanay. Tai rástén kashá, wasshi abadmán ent.

Zabur 4:6

Bázéné gwashit: “Kay ent pa má néki bekant?” Oo Hodáwand! Wati démá pa má rozhnág kan.

Mattá 17:3

Hamá wahdá áyáni démá Mussá o Elyás záher butant o gón Issáyá habar kanagá laggetant.

Luká 9:33

Wahdé á doén Issáyá roksat kanag o rawagi atant, Petrosá gwasht: “Wájah! May edá bayag sakk sharr ent, bell ke má say sáheg o kápára bandén, yakké pa taw, yakké pa Mussá o degaré pa Elyásá.” Bale Petrosá wat nazánt ché gwashagá ent.

Yuhanná 17:24

Oo Pet! Mana lóthán ke hamá mardom ke taw maná dátagant, hamódá gón man yakjáh bebant ke man án tánke hamá shawkatá begendant ke taw maná dátag, chéá ke cha jahánay jórh bayagá pésar ham taw maná dóst dáshtag.

Yuhanná 7:2

Anchosh ke Yahudiáni Kápáráni Aid nazzikk but,

Pa Pilipián Pulosay kágad 1:23

Man dodel án, mani armán ent ke berawán o gón Masihá yakjáh bebán, chéá ke é sakk báz gehter ent,

Yuhannáay Awali Kágad 3:2

Oo dordánagán! Annun má Hodáay chokk én, bale angat zánag nabutag ke má ché jórh bayagi én, haminchoka zánén, wahdé á záhera bit má ham hamáiay dhawlá bén, parchá ke á wahdi má áiá hamá paymá gendén ke á hast.

Elhám 21:23

O shahrá na róch pakár ent o na máh ke áiá rozhná bekanant, chéá ke Hodáay shán o shawkat eshiá rozhná kant o Gwarándh eshiay cherág ent.