Mattá 17:27 - Hodáay Pákén Ketáb Balochi zobáná

²⁷ Bale pa áyáni naranjénagá, mazangwarmay tayábá beraw o nahigé ápá dawr beday, hamá máhig ke pésará nahigá jant, áiay dapá pach kan, taw yakk chárkaldári zarré genday, hamáiá bezur, manig o wati songá porr kan.”

Mattá 17:27 ပူးပေါင်းရင်းမြစ်များ

Pédáesh 1:28

Hodáyá á, barkat dát o gwashtant: “Chokk o bar kanét, báz bebét o zeminá porr kanét o zeminay sará hákemi bekanét. Daryáay máhig, ásmánay morg o zeminay sajjahén sorendaháni sará hákemi bekanét.”

Zabur 8:8

ásmánay báli morg o daryáay máhig o har ché ke cha zeray ráhá gwazit.

Mattá 17:26

Passawi tarrént: “Cha degarán.” Issáyá gwasht: “Gorhá chokk bakshaga bant.

Mattá 18:6

Harkas, cha é kasánokénán ke mani sará báwarmand ant yakkéá dém pa gonáhá bebárt, pa áiá gehter ent ke jenteri táé áiay gardená bebandant o daryáay johlánkián chagal bedayant.

Mattá 18:8

Agan tai dast yá pád tará dém pa gonáhá bebárt, áiá borr o dawr day, chéá ke gón doén dast o pádán dózahay dáemi ásá kapagay badalá, pa taw sharter hamesh ent ke lang o mondh, namiránén zenday wáhond bebay.

Mattá 5:29

Paméshká agan tai rástén chamm tará dém pa gonáhá bebárt, áiá kassh o dawr beday, chéá ke cha sarjamén jánay dózahá kapagá pa taw sharter hamesh ent ke tai jesmay yakk band o bógé cha taw jetá bebit.

Mattá 5:30

Hamé dhawlá, agan tai rástén dast tará dém pa gonáhá bebárt, gorhá áiá borr o dawr beday, chéá ke cha sarjamén jánay dózahá rawagá pa taw sharter esh ent ke tai jesmay yakk band o bógé cha taw jetá bebit.

Markás 9:42

Harkas, cha é kasánokénán ke mani sará báwarmand ant yakkéá dém pa gonáhá bebárt, pa áiá gehter ent ke jenteri táé áiay gardená bebandant o daryáyá chagali bedayant.

Markás 9:43

Agan tai dasté tará dém pa gonáhá bebárt, áiá borr. Chéá ke gón doén dastán dózahay dáemi ásá kapagay badalá, sharter hamesh ent ke gón yakk dasté, namiránén zenday wáhond bebay.

Luká 17:2

Cha é kasánokénán yakkéay dém pa gonáhá baragay badalá, gehter hamesh ent ke áiay gardená jenteri táé bebandant o daryáyá chagali bedayant.

Yuhanná 6:61

Wahdé Issáyá dist ke morid é habaray sará norondhagá ant, gwashti: “Shomárá é habara tawrénit?

Pulosay kágad pa Rumián 14:21

Sharter ent ke cha gósht, sharáb yá dega har chizzá pahréz bekanay ke tai brátay thagal waragay sawabsáza bit.

Pa Tesálunikián Pulosay awali kágad 5:22

Cha har dhawlén badiá dur bebét.

Ákub 2:5

Oo dordánagán! Gósh dárét. Hodáyá é donyáay nézgárén mardom gechén nakortagant ke báwará hastómand bebant o hamá bádsháhiá mirás bebarant ke Hodáyá pa wati dóst dárókán labz o kawl kortag?