Mattá 17:22 - Hodáay Pákén Ketáb Balochi zobáná

²² Wahdé Jalilá yakjáh butant, Issáyá gón áyán gwasht: “Ensánay Chokk dróhaga bit o anchén mardománi dastá dayaga bit

Mattá 17:22 ပူးပေါင်းရင်းမြစ်များ

Mattá 16:21

Cha hamá wahdá rand Issá gón wati moridán pa tachk o paddari habar kanagá lagget ke “Allamá, báyad ent Urshalimá berawán, cha kawmay kamásh, mazanén dini péshwá o Sharyatay zánógeráni dastá sakki o sóri besaggán o koshag bebán o sayomi róchá zendag bebán o jáh bejanán.”

Mattá 16:28

Shomárá rásténa gwashán, edá lahtén mardom óshtátag ke tán áyáni démá Ensánay Chokkay bádsháhi záher mabit, markay támá nachashant.”

Mattá 17:12

Bale mana gwashán, Elyás wa átkag, áyán pajjáh nayáwort o harché ke áyáni delá lóthet, gón áiá hamá dhawlesh kort. Hamé dábá Ensánay Chokká ham cha áyáni dastá sakki o sóri saggagi ent.”

Mattá 17:23

ke áiá koshant, bale sayomi róchá á zendaga bit o jáha jant.” Cha é habarán, áiay morid báz paréshán o deltaparkah butant.

Mattá 17:9

Cha kóhá ér kapagay wahdá Issáyá hokm kortant: “Tán hamá wahdá ke Ensánay Chokká cha mordagán jáh najatag, wati é distagénáni bárawá hechkasá hál madayét.”

Mattá 24:10

Gorhá bázéné poshtá kenzit o cha ráhá thagalit, yakké domiá dróhit o kast o kénaga kant.

Mattá 26:16

Cha hamá wahdá o rand, Yahudá pa Issáay áyáni dastá dayagá gwam o gégén wahd o móhéay shóházá at.

Mattá 26:46

Pád áét berawén. Á ke maná dróhit, pédák ent.”

Markás 8:31

Randá, Issá moridán tálim dayagá lagget o gwashti: “Ensánay Chokk báyad ent bázén sakki o sóri besaggit. Kawmay kamásh, mazanén dini péshwá o Sharyatay zánóger allamá áiá mamannant o bekóshárénant o say róchá rand á padá zendag bebit.”

Luká 24:26

Masihá pa wati shán o shawkatay rasagá, é sakki o sóri saggagi naatant?”

Luká 24:46

Gwashti: “Nebisag butag ke Masih báyad ent sakki besaggit, sáh bedant o sayomi róchá, cha mordagáni nyámá jáh bejant o

Luká 9:22

Gwashti: “Ensánay Chokk báyad ent bázén sakki o sóri besaggit. Kawmay kamásh, mazanén dini péshwá o Sharyatay zánóger allamá áiá mamannant o bekóshárénant o sayomi róchá padá zendag bebit.”

Luká 9:43

Sajjahén mardom cha Hodáay mazaniá hayrán but o bah mantant. Wahdé sajjahén mardom cha Issáay mójezah o ajabén kárán hayrán atant, gón wati moridán gwashti:

Kásedáni Kár 7:52

Kojám paygambar shomay pet o pirénán ázár nadátag? Shomay pet o pirénán tantaná hamá paygambar ham koshtant ke áyán á ‘Pák o Nékénay’ áyagay péshgói kortagat. Nun shomá áiay jenday dróhók o hónig ét.