Mattá 16:27 - Hodáay Pákén Ketáb Balochi zobáná

²⁷ Ensánay Chokk gón wati Petay mazanén shán o marháhá préshtagáni hamráhiá kayt, gorhá harkasá áiay kortagén káráni mozzá dant.

Mattá 16:27 ပူးပေါင်းရင်းမြစ်များ

Zabur 62:12

mehr o rahm ham taig ent, oo Hodáwand! Taw harkasá áiay kortagén káráni hesábá, mozza dayay.

Dányál 7:10

Ásay kawré tachagá at o cha áiay bárgáhá dar áyagá at. Hazáráni hazár áiay hezmatá at o lakkáni lakk áiay démá óshtátagat. Diwán pa dádrasiá nesht o ketáb pach butant.

Mattá 13:41

Ensánay Chokk, wati préshtagán ráha dant tán sajjahén badkárán o áyán ke degarán rada dayant yakjáh bekanant o cha áiay bádsháhiá dar bekanant.

Mattá 13:49

Áheratay róchá ham anchosha bit. Préshtaga káyant o badkárán cha nék o pahrézkárén mardomána gisshénant o jetá kanant.

Mattá 24:30

Á wahdá, Ensánay Chokkay nesháni ásmáná paddara bit o donyáay sajjahén kawma gendant ke Ensánay Chokk, gón mazanén wák o twán o shán o shawkaté jambaráni sará kayt o paddara bit, nun gréwant o mótka kárant.

Mattá 25:31

Wahdé Ensánay Chokk gón wati mazanén shán o marháhá préshtagáni hamráhiá kayt, gorhá wati porshawkatén tahtay sará nendit.

Mattá 26:64

Issáyá darráént: “Taw wat gwasht. Bale shomá sajjahénán hála dayán, démterá gendét ke Ensánay Chokk zóráwarén Hodáay rástén némagá neshtag. Cha ásmánay jambaráni sará ham kayt.”

Mattá 8:20

Issáyá gwasht: “Róbáhán hóndh o jágah hast o báli morgán kodóh o kodám, bale maná ke Ensánay Chokk án pa saray ér kanagá hecch jágah nést.”

Markás 14:62

Issáyá passaw dát: “Man Hamá Án, shomá yakk róché gendét ke Ensánay Chokk, zóráwarén Hodáay rástén némagá neshtag. Cha ásmánay jambaráni tahá ham kayt.”

Markás 8:38

Agan kasé é béwapá o radkárén ahd o zamánagá cha man o mani habarán lajj bekant, gorhá Ensánay Chokk ham, wahdé Hodáay pákén préshtagáni hamráhiá gón Petay mazanén shán o marháhá padá kayt, cha áiá lajja kant.”

Luká 21:27

Á wahdá, mardom Ensánay Chokká gendant, ke gón mazanén wák o twán o shán o shawkaté cha jambaréay nyámá kayt o paddara bit.

Luká 22:69

Bale cha annun o rand, Ensánay Chokk zóráwarén Hodáay rástén némagá nendit.”

Luká 9:26

Agan kasé cha man o mani habarán lajj bekant, gorhá Ensánay Chokk ham, á wahdi ke gón watig o ásmáni Petayg o pákén préshtagáni shán o shawkatá é jaháná padá kayt, cha áiá lajja kant.

Yuhanná 21:22

Issáyá gwasht: “Agan mani razá hamé bebit ke é tán mani áyagay wahdá zendag bemánit, tai che káré harába bit? Taw mani randgiriá bekan.”

Yuhanná 21:23

Gorhá moridáni nyámá é habar sheng but ke á morid hechbara namerit. Bale Issáyá nagwashtagat ke á namerit, tahná gwashtagati: “Agan mani razá hamé bebit ke é tán mani áyagay wahdá zendag bemánit, tai che káré harába bit?”

Kásedáni Kár 1:11

Áyán gwasht: “Oo Jalili wájahán! Shomá chéá edá óshtátag o ásmánay némagá cháragá ét? Issá cha shomay nyámá chest kanag o ásmáná barag butag, bale anchosh ke shomá rawagá distag, hamé dhawlá yakk róché padá cha ásmáná pera tarrit o kayt.”

Pulosay kágad pa Rumián 14:12

Gorhá cha má har yakkéá Hodáay démá wati hesáb dayagi ent.

Pulosay kágad pa Rumián 2:6

Hodá harkasay mozzá áiay kortagén káráni hesábá dant.

Pa Tesálunikián Pulosay awali kágad 1:10

áiay Chokkay wadárá bebét, hamá ke cha ásmáná kayt, hamá ke Hodáyá cha mordagán zendag kort, bezán Issá ke márá cha áyókén gazabá rakkénit.

Pa Tesálunikián Pulosay awali kágad 4:16

Chéá ke Hodáwand wat préshtagáni sardáray tawár o Hodáay karnáay tawáray hamráhiá, hokm dayáná cha arshá éra kayt. Gorhá, awalá Masihay hamá báwarmand zendaga bant ke mortagant o

Ákub 5:7

Oo brátán! Tán Hodáwanday áyagá, sabr o ópár kanét. Bechárét ke dehkán che paymá wadára kant tán zemin wati porarzeshén bará beródénit, á pa érahti o bahári hawrán chón wadárig ent.

Petrosay Awal Kágad 1:17

Agan shomá Hodáyá wati Peta gwashét, ke á harkasay dádrasiá bé ru o ryá, áiay káráni hesábá kant, gorhá wati darándhéhiay wahd o pásán pa sharap o ezzat gón Hodátorsi begwázénét.

Yuhannáay Awali Kágad 2:28

Nun, oo mani dordánagén chokkán! Áiay arwáh o jabiná bemánét tánke áiay záher bayagay wahdá, may del dhaddh bebit o áiay démá sharmendag mabén.

Yahudáay Kágad 1:14

Hanuk ke Ádamay haptomi nasl o padréch at, esháni bárawá chosh péshgóia kant o gwashit: “Hodáwand gón wati lakkáni lakkén palgártagénána kayt,

Elhám 1:7

Bechár, á gón jambarán pédák ent o hamok chamm áiá gendit, hamá ham ke áiay jánesh thong thong kortag o zeminay sajjahén kawm hamáiay sawabá porsiga bant. Haw, anchosh bát. Ámin.

Elhám 2:23

Man áiay chokkán wabáé dayán o koshán, gorhá sajjahén kelisá zánant ke man hamá án ke del o hayáláni hálán dara géjit o man shomá harkasá áiay káráni hesábá mozza dayán.

Elhám 20:12

Man mordag distant, mazan o kasán, ke tahtay démá óshtátagatant. Ketáb pach kanag butant o dega ketábé ham pach kanag but, “Zenday Ketáb”. Mordag wati kortagén káráni hesábá dádrasi kanag butant, hamá káráni hesábá ke ketábáni tahá nebeshtagat.