Mattá 15:31 - Hodáay Pákén Ketáb Balochi zobáná

³¹ Wahdé mardomán dist ke gong habar kanagá ant, mondh dráh bayagá ant, lang tarragá ant o kór gendagá ant, gorhá Esráili hayrán butant o wati Hodáesh satá o saná kort.

Mattá 15:31 ပူးပေါင်းရင်းမြစ်များ

Pédáesh 32:28

Mardá gwasht: “Cha ed o rand taw Ákub gwashaga nabay, tai nám Esráila bit, chéá ke taw gón Hodáyá o gón mardomán merhetagay o sardast butagay.”

Pédáesh 33:20

Ódá korbánjáhé addhi kort o áiay námi Él-Éluhi-Esráil kort.

Zabur 50:15

Sakki o sóriáni róchá maná belóth, man tará nejáta dayán o taw maná shán o shawkata dayay.”

Zabur 50:23

Á kas ke shogrgozáriay korbánigá pésha kant hamá maná shán o shawkata dant, pa wat ráhé tayára kant o man áiá hamá nejátá pésha dárán ke cha mani némagá ent.”

Dargwaz 24:10

o Esráilay Hodáesh dist. Hodáay pádáni chérá sabzén nilomay paymén parshé at ke chó ásmánay jendá sáp at.

Mattá 15:30

Bázén mardomé áiay kerrá átk, lang, kór, mondh, lell o dega har paymén nádráhesh, Issáay démá áwortant o Issáyá dráh kortant.

Mattá 18:8

Agan tai dast yá pád tará dém pa gonáhá bebárt, áiá borr o dawr day, chéá ke gón doén dast o pádán dózahay dáemi ásá kapagay badalá, pa taw sharter hamesh ent ke lang o mondh, namiránén zenday wáhond bebay.

Mattá 21:14

Mazanén parasteshgáhay péshgáhá, bázén kór o lang Issáay kerrá átkant o áiá dráh kortant.

Mattá 8:10

Wahdé Issáyá é habar eshkot, hayrán but o gón wati hamráhán gwashti: “Shomárá rásténa gwashán ke Esráiliáni nyámá ham man choshén mohrén setk o báwar nadistag.

Mattá 9:32

Áyáni rawagá rand, yakk mardé Issáay kerrá áwortesh ke jennéá geptagat o gong at.

Mattá 9:33

Anchosh ke Issáyá jenn kasshet, gong habar kanagá lagget. Sajjahén mardom hayrán butant o gwashtesh: “Choshén kár hechbar Esráilá gendag nabutag.”

Mattá 9:8

Wahdé mardomán é kár dist, torsetesh o Hodáesh satá kort o sárhát ke mardomi inchok wák o ehtiár dátagant.

Markás 2:12

Gorhá mard sajjahénáni démá pád átk, wati nepádi zortant o dhanná shot. Sajjahén mardom hayrán butant, Hodáesh satá kort o sárhát o gwashtesh: “Má choshén kár hechbar nadistagat.”

Markás 7:37

Mardom báz hayrán atant o gón yakdomiá gwashtesh: “É chónén ajabén nékén kára kant, karráni góshán pacha kant o lelláni zobáná ham bójit.”

Markás 9:43

Agan tai dasté tará dém pa gonáhá bebárt, áiá borr. Chéá ke gón doén dastán dózahay dáemi ásá kapagay badalá, sharter hamesh ent ke gón yakk dasté, namiránén zenday wáhond bebay.

Luká 14:13

Wahdé mehmánia kanay, gorhá nézgár o mondh o lang o kórán belóth.

Luká 14:21

Golám átk o wati hodábondi cha sajjahénáni hálá sahig kort. Hodábond é habaráni eshkonagá sakk zahr gept o hokmi kort: ‘Pa eshtápi beraw, cha shahray tank o rahsarán, sajjahén nézgár, mondh, kór o langán pa é mehmániay waragá byár.’

Luká 18:43

Hamá damáná kór biná but, Hodáyá sepat o saná kanán, Issáay hamráhiá rahádag but. Mardomán ke chosh dist, áyán ham Hodáay shogr gept.

Luká 7:16

Sajjahénáni delá torsé nesht o Hodáyá sepat o saná kanán, gwashtesh: “May kerrá mazanén nabié wadi butag” o “Hodá wati kawmay komakk kanagá átkag.”

Yuhanná 9:24

Á mard ke pésará kór at, domi randá padá lótháént o gwashtesh: “Hodáay sawgendá bwar ke taw rásta gwashay, má zánén ke é mard gonahkáré.”