Mattá 14:3 - Hodáay Pákén Ketáb Balochi zobáná

³ Chosh at ke Hirudisá Hirudiáay sawabá ke pésará áiay brát Piliposay jan at, Yahyá geráéntag o bandijáhá band kortagat.

Mattá 14:3 ပူးပေါင်းရင်းမြစ်များ

Mattá 11:2

Wahdé pákshódókén Yahyá, bandijáhá cha Issá Masihay kárán sahig but, wati moridi ráh dátant

Mattá 14:6

Hirudisay sálgerah but o Hirudiáay jenekká mehmánáni démá nách o sohbat gept. Hirudis báz washdel but,

Mattá 4:12

Wahdé Issá sahig but ke Yahyá dazgir kanag butag, gorhá Jalilá shot.

Markás 6:14

Issáay é káráni hál o habar Hirudis bádsháhay góshá raset, chéá ke Issáay nám nun portawár butagat. Lahténay gomán at, é hamá pákshódókén Yahyá ent ke padá cha mordagán zendag butag, paméshká choshén ajekkái o mójezahána kant.

Markás 6:17

Yahyáay koshagay kessah chosh at ke Hirudisá, Yahyáay gerag o bandi kanagay hokm wat dátagat, chéá ke Hirudisá gón wati brát, Piliposay janá, ke námi Hirudiá at, sur kortagat.

Markás 6:19

Paméshká, Hirudiáyá gón Yahyáyá báz hasadd o kénag hastat o lótheti áiá bekóshárénit, bale é kár cha áiay dazrasá dur at,

Markás 6:22

Hamá wahdá, Hirudiáay jenekk majlesá átk, nách o sohbati gept o Hirudis o áiay mehmáni washdel kortant. Bádsháhá cha galá gón jenekká gwasht: “Harché tai dela lóthit begwash, man tará dayán.”

Markás 8:15

Issáyá hokm kort o gwashtant: “Hozzhár bét! Cha Parisi o Hirudis bádsháhay homirá pahréz kanét.”

Luká 13:1

Hamá wahdá, lahténá gón Issáyá á Jalili mardománi bárawá hál o habara kort ke Pilátusá koshtagatant o áyáni hón, gón hamáyáni korbánigén dalwatáni hóná hór o hawár kortagat.

Luká 13:31

Hamá wahdá, lahtén Parisi, Issáay gwará átk o gwashtesh: “Nun taw é jágahá yalah kan o dega jáhéá beraw, chéá ke Hirudis tai koshagay randá ent.”

Luká 23:11

Hirudisá ham gón wati sepáhigán hórigá, Issá béezzat kort o kalág gept. Randá, dhawldárén kabáhé gwará dát o padá Pilátusay kerrá rawán kort.

Luká 23:7

Wahdé sahig but Issá Jalilié, gorhá Hirudisay némagá ráhi dát, chéá ke Jalilay hákem, Hirudis á wahdá Urshalimá at.

Luká 3:1

Rumay bádsháh, Tiberius Kaysaray bádsháhiay pánzdahomi sál at. Hamá róchán, Pontius Pilátus, Yahudiahay wáli at. Hirudis, Jalilay hákem at. Hirudisay brát Pilipos, Eturiah o Tráhunitisay hákem at o Lisániás, Ábiliniay hákem at.

Luká 8:3

Dega yakké Yuánná at ke áiay lógwájah, Huzá, Hirudis bádsháhay kalátay kelitdár at. Yakké Susan at o dega báz janén atant, ke cha wati zarr o málán, pa Issá o áiay moridán komakk kanagá atant.

Kásedáni Kár 12:1

Hamé róchán, bádsháh Hirudisá pa kelisáay ázár rasénagá, lahtén mardomay gerag o band kanag bongéj kort.

Kásedáni Kár 4:27

Pa rásti, hamé shahrá Hirudis, Pontius Pilátus, á dega darkawmén mardom o Bani Esráilay sajjahén kawm o kabilah hamdast butant o tai pákén hezmatkár Issáay helápá pád átkant, hamá Issá ke taw gón rógen per moshagá pa bádsháhiá gechén kortagat.