Mattá 14:13 - Hodáay Pákén Ketáb Balochi zobáná

¹³ É habaray eshkonagá rand, Issá bójigéá swár but o dur o gestáén jáhéá tahnaká shot. Wahdé mardom sahig butant, cha shahrán payádaká áiay randá gón kaptant.

Mattá 14:13 ပူးပေါင်းရင်းမြစ်များ

Mattá 10:23

Wahdé shomárá yakk shahréá ázára rasénant gorhá betachét o dega shahréá berawét. Shomárá rásténa gwashán, tánke shomá Esráilay sajjahén shahrán sar bebét, man ke Ensánay Chokk án, pésará káyán.

Mattá 12:15

Wahdé Issáyá áyáni delay é habar zánt, cha ódá dar kapt. Bázéné áiay padá rawán but o áyáni nyámá harkas ke nádráh at, sajjahéni dráh kortant.

Mattá 14:12

Yahyáay morid átkant o áiay jónesh bort, kabr o kapaná rand, shot o Issáesh sahig kort.

Markás 1:35

Sabáhá máhallah ke angat tahár at, Issá pád átk, cha lógá dar kapt, yakk gestá o panáhén jágahéá shot o dwái kort.

Luká 4:42

Wahdé róch but, Issá yakk gestá o panáhén jágahéá shot. Mardom áiay shóházá atant. Wahdé áyán Issá dist, gwashtesh: “Gón má bejall o márá yalah maday.”