Mattá 13:11 - Hodáay Pákén Ketáb Balochi zobáná

¹¹ Áyáni passawá gwashti: “Hodáyá é zánt shomárá dátag ke ásmáni bádsháhiay rázán sarpad bebét, bale á dega mardománá nadátagi.

Mattá 13:11 ပူးပေါင်းရင်းမြစ်များ

Zabur 25:14

Hodáwand wati delay ráz o ramzán gón Hodátorsán darshána kant, wati ahd o paymáná pa áyán pajjárénit.

Mattá 13:10

Nun morid áiay kerrá átkant o jostesh kort: “Chéá taw gón mardomán pa darwar o mesál habara kanay?”

Mattá 16:17

Issáyá darráént: “Oo Shamun, oo Yunáay chokk! Taw bahtáwaré ay, chéá ke é habar ensánéá pa taw záher o paddar nakortag, mani Pet ke ásmáná ent, áiá paddar kortag.

Mattá 19:11

Gwashti: “É tálimá harkas zorta nakant, hamá kas zorta kant ke áiá é wák o twán bakshag butag.

Mattá 20:23

Issáyá gwasht: “Shomárá mani jám nóshagi ent, bale é mani dastá naent ke kay mani rástén o kay chappén némagá benendit. É jágah hamáyánig ant ke mani Petá pa áyán gisshéntagant.”

Markás 10:40

bale bezánét ke é cha mani ejázatá dar ent o gwashta nakanán kay mani rástén o kay chappén némagá nendit. É jágah, hamáyánig ant ke pa áyán gisshénag butagant.”

Markás 4:11

Issáyá passaw dát: “Hodáay bádsháhiay ráz shomárá bakshag butag, bale á ke mani ráhay randgiriá nakanant, é chizz pa áyán hoshkén mesál o darwar ant o bass,

Luká 8:10

Áiá passaw dát: “Hodáyá shomay delay chamm pach kortagant, ke shomá áiay bádsháhiay rázán sarpad bebét, bale pa á dega mardomán, mesál o darwar ant o bass, tánke: ‘gón chammán bechárant, bale magendant gón góshán beshkonant, bale sarkech mawarant.’

Yuhanná 6:65

Gorhá gwashti: “Paméshká man gwasht ke kass mani kerrá átka nakant, tán wahdé ke mani Pet áiá imán mabakshit.”

Yuhanná 7:17

Harkas ke Hodáay wáhagán sarjam kanag belóthit, zánt ke mani tálim Hodáayg ant yá man cha wat habara kanán.

Kásedáni Kár 16:14

Janénáni nyámá, Lidiah námén Hodátorsén janéné ham gón at ke Tyátirahay shahray mardomé at o jamurangén gránkimmatén god bahá kanóké at. Á Pulosay habarán gósh dáragá at ke Hodáwandá áiay delay chamm pach kortant o áiá Pulosay habar mannetant.

Pulosay kágad pa Rumián 11:25

Oo brátán! Chó mabit watá cha wati kadd o kesásá master bezánét. Paméshká nalóthán cha é rázá násarpad bebét ke Esráilay yakk bahréay sará sakdeli tán hamá wahdá átkag ke darkawm sarjamiá byáyant gón.

Pulosay kágad pa Rumián 16:25

Nun Hodáyá satá o saná bát, ke cha mani é wasshén mestág o Issá Masihay kolaway jár janagay barkatá, shomárá barjáh dáshta kant. É mestágay ráz, karnáni karn chér o bétawár at,

Pa Timutáusá Pulosay awali kágad 3:16

Béshakk Hodádóstiá mazanén rázé mán: Á, ensánéay shekl o dróshomá záher but, Pákén Ruhá áiay rásti sábet kort, préshtagán á dist, kawmáni nyámá áiay jár janag but, donyáay tahá áiay sará imánesh áwort, á, porshawkatén arshá barag but.

Pa Timutáusá Pulosay awali kágad 3:9

Á báyad ent gón pákén zamiré imánay ráz o ramzáni sará wati báwará mohr bedárant.

Ákub 1:5

Agan cha shomá yakkéay zánt o hekmat kamm bebit, cha Hodáyá belóthit o Hodá, ke cha wati bakshendagiá harkasá bé mennat o shegána dant, áiá zánt o hekmata bakshit.

Yuhannáay Awali Kágad 2:20

Bale “á Pákéná” shomárá “rógen per moshtag” o shomá sajjahén chizzána zánét.

Yuhannáay Awali Kágad 2:27

Bale shomá cha áiay némagá “rógen per moshag” butagét o é “per moshag” shomay delá mánit. Shomárá zalurat nést kasé shomárá dars o sabakk bedant, chéá ke cha Hodáay némagá, “rógen per moshag” wat shomárá sajjahén chizzán sabakka dant. É “rógen per moshag” rást ent o drógéné naent. Hamá paymá Hodáay arwáh o jabiná bemánét ke shomárá tálimi dátag.