Mattá 12:41 - Hodáay Pákén Ketáb Balochi zobáná

⁴¹ Jost o porsay róchá, Naynawáay mardom gón é zamánagay mardomán hórigá páda káyant o áyán mayáriga kanant, chéá ke áyán Yunosay dháh o hozzhárbáshay sará tawbah kort. Bale nun cha Yunosá masteréné edá ent.

Mattá 12:41 ပူးပေါင်းရင်းမြစ်များ

Mattá 12:39

Issáyá áyáni passawá gwasht: “Sherr o zenahkárén nasl o padréch, neshánia lóthit, bale Yunos nabiay neshániá abéd, dega hecch neshánié áyán dayaga nabit.

Mattá 12:42

Jost o porsay róchá, Sabáay malakah gón é zamánagay mardomán hórigá páda kayt o áyán mayáriga kant, chéá ke Sabáay malakah cha donyáay á dastá átk tán Solaymánay hekmatá beshkont. Bale nun cha Solaymáná masteréné edá ent.

Mattá 12:45

gorhá rawt o cha wat dega hapt selterén jenn gón wata kárit. Á sajjahén, hórigá ódá rawant o ord o bonaga kanant. É dhawlá, á mardomay ásar o ákebat cha pésarigéná angat badtera bit. É badkárén naslay hál ham hamé paymá bit.”

Mattá 12:6

Man gón shomá gwashán ke edá cha mazanén parasteshgáhá ham masteréné hastent.

Mattá 16:4

Sherr o zenahkárén nasl o padréch neshánia lóthit, bale áyán Yunos nabiay neshániá abéd, dega hecch neshánié dayaga nabit.” Randá Issáyá á yalah dátant o shot.

Mattá 17:17

Issáyá gwasht: “Oo bébáwar o gomráhén nasl o padréch! Man tán kadéná gón shomá bemánán? Tán chinchok wahdá shomárá besaggán? Chokká edá mani kerrá byárét.”

Mattá 23:36

Shomárá rásténa gwashán, é sajjahénáni kóshay sezá hamé zamánagay mardomána rasit.

Luká 11:32

Jost o porsay róchá, Naynawáay mardom gón é zamánagay mardomán hórigá páda káyant o áyán mayáriga kanant, chéá ke áyán Yunosay dháh o hozzhárbáshay sará tawbah kort. Bale nun cha Yunosá masteréné edá ent.

Yuhanná 3:31

Á kas ke cha borzá kayt, cha sajjahénán master ent o á ke cha é hákién donyáyá ent, zemini mardomé o donyái chizzáni bárawá habara kant. Bale á ke cha ásmáná kayt cha sajjahénán master ent.

Yuhanná 4:12

Záná, taw cha may pirok Ákubá master ay, hamá ke é cháti márá dátag o áiay jendá o chokkán o mál o dalwatán cha é chátá áp wártag?”

Pulosay kágad pa Rumián 2:27

Á ke jesmi sonnat kanag nabutag bale Sharyatay sará kára kant tará mayáriga kant. Bell ke tará nebeshtagén Sharyat o sonnat kanagay rasm hast, bale taw angat Sharyatá próshay.