Mattá 12:34 - Hodáay Pákén Ketáb Balochi zobáná

³⁴ Oo syahmárzádagán! Shomá ke wat sell o radkár ét, chón sharrén habar korta kanét? Chéá ke harché mardomay delá bebit, hamá cha áiay dapá dara kayt.

Mattá 12:34 ပူးပေါင်းရင်းမြစ်များ

Zabur 53:1

Nádán wati delá gwashit: “Hodáé nést.” É palit ant o káresh bazhnák, nékkáré nést.

Zabur 64:3

Chiá ke wati zobáná zahmáni paymá téza kanant o wati tahlén habarán tiray paymá kára bandant

Zabur 64:5

Radén kárá yakdomiá delbaddhia dayant, habar ke kanant, maksadesh wati dámáni chér kanag ent. Gwashant: “Kayesha gendit?”

Mattá 12:35

Sharrén mardom cha sharrén ganj o hazánagá sharrén chizz dara kant o sellén mardom cha sellén hazánagá, sellén chizz.

Mattá 15:18

Bale harché ke cha dapá dara kayt, béhá cha delá páda kayt o hamé chizz ensáná nápáka kant.

Mattá 23:33

Oo márán, oo syahmárzádagán! Shomá chón cha dózahay sezáyá rakketa kanét?

Mattá 3:7

Wahdé Yahyáyá dist ke Parisi o Saduki rombay bázén mardom pákshódi geragá áiay kerrá áyagá ant, gón áyán gwashti: “Oo syahmárzádagán! Kayá shomárá dháh dátag ke cha Hodáay áyókén kahr o gazabá rakketa kanét?!

Luká 3:7

Wahdé mardom pa pákshódi kanagá átk o mocch butant, Yahyáyá gón áyán gwasht: “Oo syahmárzádagán! Kayá shomárá dháh dátag o gwashtag ke cha Hodáay áyókén kahr o gazabá rakketa kanét?!

Luká 6:45

Sharrén mardom, wati delay hazánagay ér kortagén nékián, cha wati dap o zobáná dara kant o sellén mardom, wati delay ambáray ér kortagén gandagián, cha wati dap o zobáná réchit. Chéá ke harché mardomay delá bebit, hamá cha áiay dapá dara kayt.

Yuhanná 8:44

Shomá wati pet, bezán Eblisay chokk ét o hamáiay morád o wáhagáni sará kár kanaga lóthét. Á cha bendátá hónigé o cha rástiá dur ent, chéá ke áiá hecch rásti mán nést. Wahdé dróga bandit, wati jenday delay habará kant, chéá ke drógbandé o drógáni pet ent.

Ákub 3:2

má sajjahén báz rada janén o thagala warén. Agan kasé cha wati habarán thagal mawárt, tamán o kámelén ensáné o wati sarjamén jesm o jánay mahárá dáshta kant.

Yuhannáay Awali Kágad 3:10

Hodáay chokk o Shaytánay chokk, hamé paymá zánag o pajjáh áraga bant, á kas ke rástiay ráhá narawt, Hodáay chokk naent o anchosh á kas ham ke gón wati brátá mehra nakant.