Mattá 12:28 - Hodáay Pákén Ketáb Balochi zobáná

²⁸ Bale agan man gón Hodáay Ruhá jennán dara kanán, bezánét ke Hodáay bádsháhi shomay nyámá rasetag.

Mattá 12:28 ပူးပေါင်းရင်းမြစ်များ

Dányál 2:44

Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Dányál 7:14

Hákemi, shán o bádsháhi hameshiá dayag but ke sajjahén kawm o ráj o har zobánay mardom eshiay hezmatá bekanant. Eshiay hokmráni abadmánén hokmránié ke hechbar halása nabit o eshiay bádsháhi hechbar zawála nabit.

Mattá 12:18

É mani hezmatkár ent ke man gechén kortag, maná sakk dóst ent o man cha eshiá báz wassh o razá án, man wati Ruhá eshiay sará éra géján, darkawmáni nyámá é hezmatkár mani ensáp o dádrasiay járá perrénit.

Mattá 12:29

Yá chón buta kant, kasé zóráwarén mardoméay lógá bepoterit o áiay mál o melkatá pol o pánch bekant, tán pésará á zóráwarén mardá magipt o mabandit? Gorhá áiay lógá pol o pánch korta kant.

Mattá 21:31

Cha é doénán kojám bacchá wati petay habar zort?” Áyán passaw dát: “Awaligá.” Issáyá gón áyán gwasht: “Báwar kanét, songi o máliátgir o badkárén janén cha shomá pésar Hodáay bádsháhiá rawant.

Mattá 21:43

“Paméshká gón shomá gwashán ke Hodáay bádsháhi, cha shomá pach gerag o yakk kawméá dayaga bit ke áiay bar o samará kárit.

Mattá 4:24

Sajjahén Suriahá áiay nám o tawár prosht o mardomán har dhawlén nájórh o nádráh, jenni, mergiay nádráh, lang o mondh Issáay kerrá áwortant o áiá dráha kortant.

Mattá 6:33

Cha har chizzá pésar, Hodáay bádsháhi o áiay rástén ráhay shóházá bebét, é sajjahén wat shomárá dayaga bant.

Markás 1:15

gwashti: “Wahd átkag o rasetag. Hodáay bádsháhi nazzikk ent. Tawbah bekanét o Hodáay wasshén mestágay sará báwar bekanét.”

Markás 11:10

Shogr ent ke may bonpirok Dáuday bádsháhi padá barjáh dáraga bit. Hushiáná, borzén arshá!”

Markás 16:17

Báwarmandán, é nesháni góna bant: mani námay sará, jennán cha mardomána kasshant, nók nókén zobánán habara kanant,

Luká 10:11

‘Shomay shahray hamá danz ke may pádán laggetag, má á danzán hamedá chandhén o takénén, tánke é danz sháhedi bedayant ke má Hodáay wasshén kolaw pa shomá áwort. Bale bezánét ke Hodáay bádsháhi nazzikk ent.’

Luká 11:20

Bale agan man gón Hodáay zór o wáká jennán dara kanán, bezánét ke Hodáay bádsháhi shomay nyámá rasetag.

Luká 16:16

Tawrát o sajjahén nabiáni bárig, tán Yahyáay wahdá at. Nun randá, Hodáay bádsháhiay mestág dayaga bit o harkas johda kant wati ráhá dém pa áiá dar begéjit.

Luká 9:2

Pa Hodáay bádsháhiay jár janag o nádráháni drahbakshiá ráhi dátant.

Kásedáni Kár 10:38

É kár hamesh at ke Hodáyá gón wati Pákén Ruh o zórá, Issá Náseriay sará rógen per mosht. É dhawlá á, har jáh ke shot, gón wati nékén kárán, á sajjahén mardom ke Shaytánay bandig atant dráhia kortant, chéá ke Hodá gón áiá gón at.

Pulosay kágad pa Rumián 14:17

Chéá ke Hodáay bádsháhi pa warag o nóshag naent, áiay bádsháhi, palgári o sohl o shádehi ent ke cha Pákén Ruhá rasit.

Yuhannáay Awali Kágad 3:8

Á ke gonáha kant Shaytánay chokk ent parchá ke Shaytán cha bongéjá gonáh kanán ent. Hodáay Chokk paméshká paddar but ke Shaytánay kárán bepróshit o zawál bekant.