Mattá 12:24 - Hodáay Pákén Ketáb Balochi zobáná

²⁴ Bale wahdé Parisián é habar eshkot, gwashtesh: “É, gón jennáni sardár Belzabulay sarókiá jennána kasshit.”

Mattá 12:24 ပူးပေါင်းရင်းမြစ်များ

Zabur 109:20

Cha Hodáwanday némagá mani bohtám janókáni mozz hamé bát, hamá ke mani helápá badén habara kanant.

Mattá 10:25

Shágerdá haminchok bass ent ke wati ostáday paymá bebit o golám wati hodábonday paymá. Wahdé lógay hodábondesh Belzabul gwashtag, gorhá lógay é dega mardomán allam badterén nám pera bandant.

Mattá 9:32

Áyáni rawagá rand, yakk mardé Issáay kerrá áwortesh ke jennéá geptagat o gong at.

Mattá 9:34

Bale Parisián gwasht: “É, gón jennáni sardáray sarókiá jennána kasshit.”

Markás 3:22

Cha Urshalimá átkagén Sharyatay zánógerán ham anchosh gwashtagat ke Issáyá jenn per o gón jennáni sardár Belzabulay sarókiá, jennána kasshit.

Luká 11:14

Yakk baré, Issá cha yakkéá jenné dar kanagá at ke áiá é mard gong kortagat. Wahdé jenn dar átk, gongén mard habar kanagá lagget o sajjahén mardom hayrán butant.

Luká 11:15

Bale lahténá gwasht: “Issá cha jennáni sardár Belzabulay sarókiá, jennána kasshit.”