Mattá 11:6 - Hodáay Pákén Ketáb Balochi zobáná

⁶ Bahtáwar hamá ent ke mani káráni gendagá thagal mawárt o malakoshit.”

Mattá 11:6 ပူးပေါင်းရင်းမြစ်များ

Zabur 119:1

Bahtáwar ant hamá ke ráhesh rást ant o Hodáwanday Sharyatay hesábá gardant.

Mattá 13:21

bale pa é sawabá ke risshag o wandháli najatag, Hodáay habar áiay delá, tán dérá namánit o jágaha nakant. Wahdé Hodáay gál o habaráni sawabá sakki o ázáré berasiti, hamá damáná cha ráhá thagalit o kapit.

Mattá 18:7

Zár o wáwaylá pa é donyáyá ke gomráhiáni sawab ent. Nabit ke mardom rad majant o thagal mawárt, bale apsóz pa hamá kasá ke radiáni sáchók o sawabsáza bit.

Mattá 24:10

Gorhá bázéné poshtá kenzit o cha ráhá thagalit, yakké domiá dróhit o kast o kénaga kant.

Mattá 26:31

Gorhá Issáyá gón moridán gwasht: “Shomá sajjahén, hamé enshapi thagala warét o maná yalaha kanét, chéá ke nebisag butag: Man shepánká janán o ramagay pas sheng o shánga bant.

Mattá 5:29

Paméshká agan tai rástén chamm tará dém pa gonáhá bebárt, áiá kassh o dawr beday, chéá ke cha sarjamén jánay dózahá kapagá pa taw sharter hamesh ent ke tai jesmay yakk band o bógé cha taw jetá bebit.

Markás 6:3

É hamá dártrásh naent ke Maryamay bacch o Ákub, Yushá, Yahudá o Shamunay brát ent? Áiay gohár ham hamedá may shahrá jahmenend naant?” Gorhá áyán bad átk o Issáesh namannet.

Luká 2:34

Shamuná pa áyán nékén dwá kort o gón chokkay mát, Maryamá gwashti: “Hodáyá é chokk, pa bázén Bani Esráiliáni rakkénag o bázénéay gár o bégwáh kanagá ráh dátag. É chokk neshánié bit, bale bázéné áiá namannit.

Luká 7:23

Bahtáwar hamá ent, ke mani káráni gendagá thagal mawárt o malakoshit.”

Yuhanná 16:1

Man é chizz gón shomá gwashtant ke shomá mathagalét o rad mawarét.

Yuhanná 6:66

Cha ed o rand, bázén moridéá Issá yalah dát o nun áiay hamráh nabutant.

Pa Galátián Pulosay kágad 5:11

Oo brátán! Man wa nun sonnat kanagay wázá kanagá naán o paméshká ázár dayag bayagá án. Agan man sonnat kanagay wáz bekortén, gorhá cha salibay paygámá kassá bad nabortagat.

Petrosay Awal Kágad 2:8

o “sengé ke mardomána thagalénit o kóhé ke áyán dawra dant.” Áyáni thagal waragay sawab esh at ke Hodáay habaresh nazort. Áyáni ásar o ákebat hamesh at.