Mattá 10:7 - Hodáay Pákén Ketáb Balochi zobáná

⁷ Gwashti: “Har jáh ke rawét, é mestágá sar bekanét ke ásmáni bádsháhi nazzikk ent.

Mattá 10:7 ပူးပေါင်းရင်းမြစ်များ

Mattá 10:8

Nádráhán dráh, mordagán zendag, garrián pák o sallah bekanét o cha mardomán jennán dar bekanét. Shomárá moptá rasetag, moptá ham bedayét.

Mattá 11:1

Wati dwázdahén moridáni tálim dayagá rand, Issá cha ódá dar átk o pa dars o sabakk dayag o wáz kanagá áyáni shahrán shot.

Mattá 21:31

Cha é doénán kojám bacchá wati petay habar zort?” Áyán passaw dát: “Awaligá.” Issáyá gón áyán gwasht: “Báwar kanét, songi o máliátgir o badkárén janén cha shomá pésar Hodáay bádsháhiá rawant.

Mattá 21:43

“Paméshká gón shomá gwashán ke Hodáay bádsháhi, cha shomá pach gerag o yakk kawméá dayaga bit ke áiay bar o samará kárit.

Mattá 23:13

Bale bazhn o apsóz pa shomá, oo Sharyatay zánógerán o Parisián! Oo dopóstén shatalkárán! Shomá mardománi démá ásmáni bádsháhiay darwázagá banda kanét, na wata poterét o na degarána kellét.

Mattá 3:2

“Cha wati gonáhán pashómán bebét o tawbah bekanét, chéá ke ásmáni bádsháhi nazzikk ent.”

Mattá 4:17

Cha hamá wahdá, Issáyá é kolaw o paygámay rasénag bongéj kort. Gwashti: “Cha wati gonáhán pashómán bebét o tawbah bekanét, chéá ke ásmáni bádsháhi nazzikk ent.”

Markás 6:12

Gorhá, morid shotant o járesh jat ke mardom cha wati badén kárán pashómán bebant o tawbah bekanant.

Luká 16:16

Tawrát o sajjahén nabiáni bárig, tán Yahyáay wahdá at. Nun randá, Hodáay bádsháhiay mestág dayaga bit o harkas johda kant wati ráhá dém pa áiá dar begéjit.

Luká 9:2

Pa Hodáay bádsháhiay jár janag o nádráháni drahbakshiá ráhi dátant.

Luká 9:6

Gorhá Issáay morid dar kapt o métag pa métag har jáh, wasshén mestágesh pa mardomána rasént o nádráhén mardomesh dráha kortant.

Luká 9:60

Issáyá gwasht: “Bell ke mordag wati mordagán wat kabr o kapana kanant, taw beraw o Hodáay bádsháhiay wasshén mestágá pa mardomán sar kan.”

Yuhanná 3:2

yakk shapé Issáay kerrá átk o gón áiá gwashti: “Oo ostád! Má zánén ke taw ostádé ay o cha Hodáay némagá átkagay, chéá ke tán Hodá gón kaséá gón mabit, á é dhawlén mójezah o ajabbatén nesháni pésh dáshta nakant ke taw pésh dáragá ay.”

Kásedáni Kár 10:25

Wahdé Petros áiay lógá átk o raset, Korniliusá wasshátk kort o sojdah kanán áiay pádán kapt.

Kásedáni Kár 28:31

Pa natorsi Hodáay bádsháhiay jária jat o Hodáwandén Issá Masihay bárawá mardomi tálima dátant o hechkaséá á, makana nakort.

Kásedáni Kár 4:2

Á, cha é habará sakk nárazá atant ke kásedán mardom dars o sabakka dát o járesha jat ke cha Issáay nám o ráhá mordag padá zendaga bant.