Mattá 10:26 - Hodáay Pákén Ketáb Balochi zobáná

²⁶ Shomá cha á mardomán matorsét, chéá ke hecch choshén chérén chizzé nést ke záher o paddar mabit o hecch choshén rázé nést ke áshkár o démdará mabit.

Mattá 10:26 ပူးပေါင်းရင်းမြစ်များ

Mattá 10:28

Cha áyán matorsét ke jesm o jáná koshta kanant, bale sáh o arwáhá koshta nakanant, cha hamáiá betorsét ke jesm o ján o sáh o arwáh, doénán dózhá dawr dát o bérán korta kant.

Markás 4:22

Á chizz ke chér ent, záher o paddar bayagi ent o á habar ke panáh o andém ent, áshkár o démdará bayagi ent.

Luká 24:47

áiay námay sará, tawbah o gonáháni pahelli báyad pa sajjahén kawmán jár janag bebit. É káray bongéj cha Urshalimá bit.

Luká 8:17

Chéá ke hecch choshén chérén chizzé nést ke záher o paddar mabit o hecch choshén panáh o andémén habaré nést ke áshkár o démdará mabit.

Kásedáni Kár 1:8

Bale wahdé Pákén Ruh shomay delána nendit, shomárá was o wáka rasit o Urshalimay shahrá, Yahudiah o Sámerahay damagán, tán sarjamén donyáay goddhi marz o simsarán ham, pa man sháhedia dayét o mani wasshén mestágá rasénét.”

Kásedáni Kár 4:13

Áyán ke Petros o Yuhannáay deléri o bahádorri dist o zántesh ke á náwánendah o ámién mardom ant, hayrán butant. Randá pajjáhesh áwortant, ke á Issáay hamráh butagant.

Kásedáni Kár 4:19

Áyán passaw dát: “Wat shawr bekanét, shomay habaray zurag sharter ent yá Hodáay?

Petrosay Awal Kágad 3:14

Agan pa shomay nékén kárán shomárá ázár berasit, angat ham shomá bahtáwar ét. Cha áyáni pádtrápán matorsét o paréshán mabét.